धनगढी-  सुदूरपश्चिमका तीन जिल्लाबाट भन्सार छलिका सामान बरामद गरिएको छ। कैलालीको धनगढी उपमहानगरपालिका–३ चौराहा र ब्यारेल नजिकबाट अबैंध रूपमा भारतबाट भन्सार छलि गरी ल्याएका ५३ हजार २८० मूल्यको प्याज, चिनी, मिश्री, सर्फ, मिठाई, नरिवल, होलिका लोला, भाडा धुने साबुन, प्लाष्टिक डोरी, लगायतका सामान शनिवार प्रहरी गस्ती टोलीले बेवारिसे अवस्थामा फेला पारी नियन्त्रणमा लिएको हो।

यस्तै कञ्चनपुरको कृष्णपुर नगरपालिका–२ वाणी मछेली पुल नजिक सडक छेउबाट भन्सार छलिका ६६ हजार ४५० मूल्यको प्याज, चिनी, सुर्ती प्रहरी गस्ती टोलीले बेवारिसे अवस्थामा फेला पारी नियन्त्रणमा लिएको हो।

उता बैतडीको दशरथ चन्द नगरपालिका–५ धारी गाडस्थित सडक किनारबाट भन्सार छलिका २२ हजार ४९५ मूल्यको चिनी, सोयाबिन, खाने तेल, चप्पल, जिरा, प्लाष्टिक डोरी, पास्ता, अचार, लगायतका सामान शनिवार प्रहरी गस्ती टोलीले बेवारिसे अवस्थामा फेला पारी नियन्त्रणमा लिएको प्रहरीले जनाएको छ।