धनगढी- प्रहरीले कैलालीबाट अवैध भन्सार छलीका सामान बरामद गरेको छ । शनिबार जिल्लाका विभिन्न ठाउँबाट भन्सार छलीका सामान बरामद गरेको हो ।
जिल्लाको धनगढी उपमहानगरपालिका–३ मिलन चोक र चटकपुर, गोदावरी नगरपालिका–२ तेघरी, गौरीगंगा नगरपालिका–६ बनबेहडा,भजनी नगरपालिका–९ भुरुवा र टीकापुर नगरपालिका–६ बेलुवाबाट अवैध रुपमा भारतबाट भन्सार छली गरि ल्याएका अन्दाजी रु.२ लाख ५४ हजार ७४५ बराबरको प्याज, चिनी, बिडी, सुर्ती, सरप, साबुन,सुटपिस, कुर्ती, जुत्ता, चप्पल, टर्चलाईटको ब्याट्री लगायतका सामानहरु बरामद गरिएको सुदूरपश्चिम प्रदेश प्रहरी कार्यालय धनगढीले जनाएको छ ।
उक्त सामानहरु जिल्ला प्रहरी कार्यालय कैलाली तथा मातहत कार्यालयहरुबाट संयुक्त खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको जनाइएको छ ।
