धनगढी- कैलाली–कञ्चनपुरबाट भन्सार छलीका सामान बरामद गरिएको छ। कैलालीको धनगढी उपमहानगरपालिका–१ पशुपति टोलबाट अवैध रूपमा भारतबाट भन्सार छली गरी ल्याएका २७ हजार २ सय ८० मूल्यको सुर्ती जन्य पर्दाथ, किराना लगायतका सामान र धनगढी उपमहानगरपालिका–३ चौराहबाट ६३ हजार ९ सय ५० मूल्यको प्याज, चिनी, चना, सुर्ती, बिडी, चकलेट, नरिवल, मिठाई, चिया पत्ती, पेन्सिल लगायतका सामान कैलाली प्रहरीले बरामद गरेको छ।
यस्तै कञ्चनपुरको दोधारा चाँदनी नगरपालिका-२ मायापुरीबाट अवैध रूपमा भारतबाट भन्सार छली गरी ल्याएका १२ हजार मूल्यको बोईलर कुखुरा आइतबार दिउँसो प्रहरी गस्ती टोलीले बेवारिसे अवस्थामा फेला पारी उक्त कुखुरा नष्ट गरेको कञ्चनपुर प्रहरीले जनाएको छ।
