धनगढी- प्रहरीले कैलाली र कञ्चनपुरबाट अवैध भन्सार छलिका सामान बरामद गरेको छ । मंगलबार यी दुई जिल्लाको विभिन्न स्थानबाट अवैध भन्सार छलिका सामान बरामद गरेको हो ।

कैलालीको धनगढी उपमहानगरपालिका–२ ट्राफिक चौराहा नजिकबाट अवैध रुपमा भारतबाट भन्सार छलि गरि ल्याएका रु.१९ हजार २ सय बराबरको प्याज, चिनी, मिश्री, छाता, पास्ता, कुर्ती सेट, प्लाष्टिक झिल्ली लगायतका सामानहरु जिल्ला प्रहरी कार्यालयबाट खटिएको प्रहरी गस्ती टोलीले वेवारिसे अवस्थामा फेला पारी नियन्त्रणमा लिएका सुदूरपश्चिम प्रदेश प्रहरी कार्यालयले जनाएको छ ।

त्यस्तै कञ्चनपुरको भीमदत्त नगरपालिका–६ सुकासालबाट अवैध रुपमा भारतबाट भन्सार छलि गरि ल्याएका रु.१ लाख ७ हजार ८ सय बराबरको पेय पदार्थ, स्किन साईन, लोटस नेचुरल, क्रिम, डफ (पार्लरकासामान) लगायतका सामानहरु जिल्ला प्रहरी कार्यालय कञ्चनपुरबाट खटिएको प्रहरी गस्ती टोलीले वेवारिसे अवस्थामा फेला पारी आवश्यक प्रक्रिया पुरा गरि कारबाहीका लागि भन्सार कार्यालय गड्डाचौकी पठाएको जनाइएको छ ।