धनगढी- प्रहरीले कैलाली र कञ्चनपुरबाट अवैध भन्सा छलीका सामान बरामद गरेको छ ।
शनिबार कैलालीका विभिन्न स्थानबाट भारतबाट भन्सार छली गरि ल्याएका बोइलर कुखुरा, बेलुन, चिनी, डिजे साउण्ड बक्सको स्पिकर, सुट, कुर्ती, डाल्डा र माछालगायतका रु. १ लाख ११ हजार ३ सय बराबरको सामानहरु जिल्ला प्रहरी कार्यालय कैलाली तथा मातहत समेतबाट खटिएको प्रहरी टोलीले बेवारिसे अवस्थामा फेला पारी नियन्त्रणमा लिएको तथा सो सम्बन्धमा आवश्यक कार्वाही
भइरहेको जनाइएको छ ।
त्यस्तै कञ्चनपुरका विभिन्न स्थानबाट अवैध रुपमा भन्सार छली गरि ल्याएका ईलेक्ट्रोनिकका सामानहरु, ट्रयाक्टरको पाटपुर्जा, धोती र सुट कपडा गरि रु.१ लाख १३ हजार बराबरको सामानहरु जिल्ला प्रहरी कार्यालय कञ्चनपुर तथा मातहत प्रहरी कार्यालयहरुबाट खटिएको प्रहरी टोलीले बेवारिसे अवस्थामा फेला पारी नियन्त्रणमा लिएको तथा सो सम्बन्धमा आवश्यक कार्वाही भइरहेको सुदूरपश्चिम प्रदेश प्रहरी कार्यालयले जनाएको छ ।
