धनगढी- प्रहरीले कैलाली र कञ्चनपुरबाट अवैध भन्सार छलिका सामान बरामद गरेको छ । शुक्रबार ती जिल्लाका विभिन्न स्थानबाट प्रहरीले भन्सार छलीका सामान बरामद गरेको हो ।
कैलालीका विभिन्न स्थानहरु धनगढी अवैध रुपमा भारतबाट भन्सार छलि गरि ल्याएका मूल्य रु.३ लाख ८९ हजार ५८८ बराबरको प्याज, चिनी, दाल,खुर्सानी, सुर्ती, कुर्ती, सुटपिस, गाउन, सेण्डो, कट्टु,जुत्ता, कस्मेटिक सामान, औषधी, राखीडोरी,राखि प्याकिङ गर्ने डिब्बा, राखि पेपर, प्लाष्टिक डोरी, माछा, बोईलर कुखुरा, एक थान मोटरसाईकल लगायतका सामानहरु बरामद गरेको प्रहरीले जनाएको छ ।
उक्त सामान सुदूरपश्चिम प्रदेश प्रहरी कार्यालय धनगढी, जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले वेवारिसे अवस्थामा फेला पारी आवश्यक प्रक्रिया पूरा गरि नियन्त्रणमा लिएको सुदूरपश्चिमम प्रदेश प्रहरी कार्यालयले जनाएको छ ।
त्यस्तै, कञ्चनपुरका विभिन्न स्थानबाट अवैध रुपमा भारतबाट भन्सार छलि गरि ल्याएका मूल्य रु.१ लाख ६३ हजार २०० बराबरको राखीडोरी, राखी प्याकिङ गर्ने डिब्बा, राखी पेपर, सुटपिस, कुर्तीलगायतका सामानहरु इलाका प्रहरी कार्यालय त्रिभुवनबस्ती र प्रहरी चौकी परासनबाट संयुक्त रुपमा खटिएको प्रहरी गस्ती टोलीले वेवारिसे अवस्थामा फेला पारी आवश्यक प्रक्रिया पूरा गरि नियन्त्रणमा लिएको जनाइएको छ ।
