धनगढी- प्रहरीले कैलाली र कञ्चनपुरबाट भन्सार छलीका सामान बरामद गरेको छ । ती दुई जिल्लाका विभिन्न ठाउँबाट भन्सार छलीका सामान बरामद गरेको हो ।

कैलालीका विभिन्न ठाउँबाट अवैध रुपमा भारतबाट भन्सार छली गरि ल्याएका रु २ लाख ३२ हजार २ सय बराबरको चिनी, प्याज, मिठाई, चक्लेट, सरप, साबुन, बिडी, सुर्ती, पानीपुरी, ज्वानो, जिरापाउर, मरिच, खुर्सानी, सुटपिस, दोपट्टा, कुर्ती, साडी, टोकरी, बच्चाको खेलौना,प्लाष्टिक झिल्ली लगायतका सामानहरु सुदूरपश्चिम प्रदेश प्रहरी कार्यालय धनगढी, जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी टोलीले नियन्त्रणमा लिएको जनाइएको छ ।

त्यस्तै,कञ्चनपुरको भीमदत्त नगरपालिका–११ भन्सार कार्यालय नजिकबाट अवैध रुपमा भारतबाट भन्सार छली गरि ल्याएका रु १ लाख २६ हजार ८८१ बराबरको गम्छा, लुङ्गी, सुटपिस, साडी,खानेतेल, कपडा, शंख, बेसन, लगायतका किरानाका सामानहरु इलाका प्रहरी कार्यालय गड्डाचौकीबाट खटिएको प्रहरी गस्ती टोलीले वेवारिसे अवस्थामा फेला नियन्त्रणमा लिएको प्रहरीले जनाएको छ ।