धनगढी- प्रहरीले कैलालीबाट रु. छ लाख दुई हजार छ सय ५० बराबरका अवैध भन्सार छलीका सामान बरामद गरेको छ । बुधबार जिल्लाका विभिन्न ठाउँबाट भन्सार छलीका सामान बरामद गरेको हो ।

जिल्लाको धनगढी उपमहानगरपालिका–२ आदर्श चोक, वडा नं. ९ त्रिवेणीघाट,गोदावरी नगरपालिका–३ चुट्के बजार, भजनी भजनी नगरपालिका–३ कांडा, वडा नं.९ पहलवान भुरुवाको बिच जंगल, टीकापुर नगरपालिका–८ बेलुवा,जोशीपुर गाउँपालिका–३ फाडिया र वडा नं. ५ मनिकापुर कटैनी नदी छेउबाट अवैध रुपमा भारतबाट भन्सार छली गरि ल्याएका उक्त मूल्य बराबरका सामान बरामद गरेको प्रहरीले जनाएको छ ।

सुदूरपश्चिम प्रदेश प्रहरी कार्यालय धनगढी, जिल्ला प्रहरी कार्यालय कैलाली मातहत कार्यालयहरुबाट सँयुक्त रुपमा खटिएको प्रहरी गस्ती टोलीले सो मूल्य बराबरको प्याज, चिनी, मिश्री, मिठाई, दाल, चियापत्ती, तेल,टिसर्ट,पाईन्ट, सर्ट, सुटपिस, हरियो खुर्सानी, बदाम, सिंगठा,ब्याट्री, प्लाष्टिक झिल्ली, डोरी,सिद्रा माछा लगायतका सामानहरु बेवारिसे अवस्थामा फेला पारी नियन्त्रणमा लिएको सुदूरपश्चिम प्रदेश प्रहरी कार्यालय धनगढीले जनाएको छ ।