धनगढी । कैलाली र कञ्चनपुरका केही स्थानबाट १० लाख ७९ हजार ३५० मुल्यका भन्सार छलीका सामान प्रहरीले बरामद गरेको छ । कैलालीबाट ४ लाख ३५ हजार ७०० र कञ्चनपुरबाट ६ लाख ४३ हजार ५५० मुल्यका सामान प्रहरीले बरामद गरेको हो ।
आइतबार कैलालीको धनगढी १ साल ट्रेडिङ नजिक, ७ बेली, ९ त्रीवेणीघाट, कैलारी १ मझेरा,भजनी ७ हिम्मतपुर र टीकापुर ७ डाडाबोजीबाट बिडी, सुर्ती, पेय पदार्थ, कुर्ती, रोलर ब्रस, चुरन, प्लाष्टिक डोरी, प्लाष्टिक झिल्ली, सिद्रा माछा, मोटरसाइकल थान २ लगायतका सामानहरु जिल्ला प्रहरी कार्यालय कैलाली मातहत कार्यालयबाट खटिएको प्रहरीले बेबारिसे अवस्थामा फेला पारी बरामद गरेको छ ।
त्यस्तै कञ्चनपुरको भिमदत्त ११ भुजेला र बेदकोट १० सिसैयाबाट साडी, सुटपिस, इलेक्ट्रानिक, हाडवेयरका, किरानाका, मोटरसाइकल थान-१ लगायतका सामानहरु जिल्ला प्रहरी कार्यालय कञ्चनपुर मातहत कार्यालयहरूबाट खटिएको प्रहरी गस्ती टोलीले वेवारिसे अवस्थामा सो मुल्यका सामान बरामद गरेको जनाएको छ ।
