धनगढी- रिकभरिङ्ग नेपालको आयोजनामा लागुऔषध दुर्वेसन न्यूनिकरण सम्बन्धि सरोकारवाला निकायसँगको छलफल कार्यक्रम धनगढीमा सम्पन्न भएको छ ।
रिकभरिङ्ग नेपाल सुदूरपश्चिम प्रदेश समितिका अध्यक्ष समिर मल्लको अध्यक्षतामा आयोजना भएको छलफल कार्यक्रमको प्रमुख अतिथि धनगढी उपमहानगरपालिका उपप्रमुख कन्दकला राना रहेकी थिइन ।
प्रमुख अतिथि रानाले लागु औषधको कुलतमा विशेष गरी युवाहरु वढी संलग्न रहेको देखिएकोले यसतर्फ केन्द्रीत भएर काम गर्नु पर्ने बताइन । उपप्रमुख रानाले लागु औषध तर्फ गम्भिरता पूर्वक काम गर्न धनगढी उपमहानगरपालिका तयार रहेको र सबै सरोकारवाला निकायलाई एकतावद्ध भएर काम गर्ने आग्रह समेत गरिन ।
छलफल कार्यक्रममा रिकभरिङ्ग नेपालका प्रतिनिधि दिपक बोगटीले लागु औषधको अवस्था चुनौति र सम्भावना विषयमा प्रस्तुतीकरण गरेका थिए । यस अवसरमा धनगढी उपमहानगरपालिकाको न्याय समितिका सदस्यहरु, रिकभरिङ्ग नेपालका केनद्रीय सदस्य नवराज पाण्डे, कार्यक्रम संयोजक सत्रुजित जोशी एनडिपिएनका प्रदेश संयोजक हेमन्त ओझा लगायत सरोकारवाला निकायका प्रतिनिधिहरुको उपस्थिति रहेको थियो ।
