धनगढी- नेपाली कांग्रेस कैलालीले भर्खरै सम्पन्न प्रतिनिधि तथा प्रदेशसभा सदस्य निर्वानको समीक्षा गर्ने भएको छ ।
निर्वाचनको विस्तृत समिक्षाका लागि यही मंसिर २१ गते विहान साढे ११ बजेका लागि बैठक बोलाइएको कांग्रेस कैलालीले जनाएको छ ।
निर्वाचनको विषयमा आवश्यक छलफल तथा समिक्षा गर्न कैलालीबाट प्रतिनिधित्व गर्ने पार्टीका केन्द्रीय सदस्यहरु, जिल्ला पदाधिकारी तथा सदस्यहरु, प्रतिनिधि/प्रदेश सभाका प्रत्यक्षतर्फका उम्मेदवारहरु, क्षेत्रीय सभापतिहरु, प्रदेश क्षेत्रीय सभापतिहरु र पालिका सभापतिहरुलाई अनिवार्य उपस्थितिका लागि बोलाइएको कांग्रेस कैलालीका सदस्य एवम् प्रचार-प्रसार विभाग संयोजक तपेन्द्र भुसालले जानकारी दिए ।
।
उनका अनुसार पार्टीका सबै तहका सभापतिहरुले आफ्नो क्षेत्र र पालिकाको लिखित चुनावी समिक्षात्मक प्रतिवेदन समेत प्रस्तुत गर्नु पर्ने भएकोले सोही अनुसार तयारी गरि उपस्थित हुन निर्देशन समेत गरिएको छ । 
