धनगढी- धनगढी उपमहानगरपालिका वडा नम्बर ३ चटकपुरमा जापानिज भाषा पढाउने इन्टिच्युट बीरकौशल्यको शाखा कार्यालय खुलेको छ । शुक्रबार एक कार्यक्रमको आयोजना गर्दै इन्टिच्युटको शाखा कार्यालय उद्घाटन गरिएको हो । इन्टिच्युटको प्रमुख कार्यालय काठमाडौँमा रहेको छ ।

आर्थिक अवस्था कमजोर भएकाहरुले काठमाडौँ नगई धनगढीमै बसेर भाषा पढ्न सजिलो होस् भन्ने उद्देश्यले नै यहाँमा पनि शाखा कार्यालय सञ्चालनमा ल्याइएको सञ्चालक विज्ञान सिंहले बताए । जापान जाने विद्यार्थी निःशुल्क पढन पाउने व्यवस्था रहेको उनले बताए । उनले जापानिज भाषा चार जना दक्ष प्रशिक्षकबाट सिकाइने बताए ।