धनगढी- प्रथम प्रदेश स्तरीय ह्वूल चियर बास्केटबल प्रतियोगिताको उपाधि धनगढीले जितेको छ । स्वास्थ्यका लागी खेलकुद भन्ने नाराका साथ अपागंता भएका व्यक्तिहरूका लागी आयोजित प्रदेश स्थिरिय ह्वूल चियर बास्केटबल प्रतियोगिताको उपाधि धनगढीले जितेको हो । प्रादेशिक स्वास्थ्य प्रवर्द्धन केन्द्र सुदूरपश्चिम प्रदेश कञ्चनपुरको आयोजना तथा समावेशी पारा एथलेटिक्स स्पोटर्स क्लब धनगढीको समन्वयमा आयोजित प्रतियोगिताको उपाधि धनगढी बास्केटबल टिमले जितेको हो ।

शनिवार धनगढीमा आयोजित प्रतियोगितामा टिकापुर बास्केटबल टिमले दोस्रो स्थान प्राप्त गरेको छ भने महेन्द्रनगर बास्केटबल टिमले तेस्रो स्थान प्राप्त गरेको छ । प्रथम हुने धनगढी बास्केटबल टिमले नगद २४ हजार सहित प्रमाणपत्र पाएको छ । यस्तै दोस्रो स्थान हासिल गर्न सफल टिकापुर बास्केटबल टिमले १८ हजार नगद सहित प्रमाणपत्र र तेस्रो स्थान प्राप्त गर्न सफल महेन्द्रनगर बास्केटबल टिमले १२ हजार नगद सहित प्रमाणपत्र प्राप्त गरेको छ ।

धनगढीको बालमिकि स्कुलमा आयोजित प्रतियोगिताको उद्घाटन प्रदेश खेलकुद परिषद् सुदूरपश्चिमका सदस्य सचिव दीपकबहादुर सिंहले गरेका थिए । प्रतियोगिता उद्घाटन गर्दै सिंहले प्रदेश खेलकुद परिषद्ले गर्नुपर्ने खेलकुद प्रतियोगिता प्रदेशको स्वास्थ्य प्रवर्द्धन केन्द्रले गरेको भन्दै खुसी व्यक्त गरे । स्वास्थ्यका लागी खेलकुद भन्ने नारा सहित स्वास्थ्य प्रवर्द्धन केन्द्रले गरेको यो प्रतियोगिताले पक्कै अपागंता भएका ब्यक्तीहरुमापनि थप ऊर्जा बलाउने बताउँदै सिंहले अर्को वर्षदेखि प्रदेश खेलकुद परिषदलेपनि अपागंता भएका व्यक्तिहरूका लागी कार्यक्रममै खेलकुद प्रतियोगिता राख्ने घोषणा गरे ।

स्वास्थ्य प्रवर्द्धन केन्द्र महेन्द्रनगर कञ्चनपुरका प्रमुख हेमराज खड्काले यो कार्यक्रम अपागंता भएका व्यक्तिहरूभित्र भएको क्षमता प्रस्फुटनका लागी आयोजना गरेको बताए । अरू व्यक्तिभन्दा अपागंता भएका व्यक्तिहरू कम छैनन् उहाँहरुपनि सपागं जस्तै सबै काम गर्न सक्नुहुन्छ, खेलकुदमा सहभागिता जनाउन सक्नुहुन्छ भन्ने सन्देश यस प्रतियोगिताले दिएको उनले बताए ।