धनगढी, चैत ११
म्याद गुज्रिएको औषधि बेचेको पाइएपछि धनगढीस्थित नवजीवन अस्पताललाई कारबाही गरिएको छ ।
अस्पतालले म्याद गुज्रिएको औषधि बेचेको उजुरी परेपछि बाणिज्य आपूर्ति तथा उपभोक्ता संरक्षण कार्यालय कैलालीले अनुगमन गरेर अस्पताललाई दुई लाख रुपैयाँ जरिवाना गराएको हो ।
अस्पताललाई सचेत गराउदै दुई लाख रुपैयाँ जरिवाना गरिएको बाणिज्य आपूर्ति तथा उपभोक्ता संरक्षण कार्यालय कैलालीका निमित्त प्रमुख ललितप्रसाद पन्तले बताए । अस्पतालले पनि म्याद गुज्रिएको औषधि बिक्री भएको स्वीकार गरेको छ ।
