कञ्चनपुर- कञ्चनपुरको पुनर्वासमा हुने शनिबार (भोलि)देखि हुने मोहन गुरुङ स्मृति वडा अध्यक्ष सातौँ लालझाडी कप फुटबल प्रतियोगिताको तयारी पूरा भएको छ । आयोजक लालझाडी युवा क्लव ११ ले शुक्रबार पुनर्वास–१० भीमबस्ती स्थित खेल मैदानमा पत्रकार सम्मेलन गर्दै प्रतियोगिताको तयारी पूरा भएको जानकारी दिएको हो ।
यही फागुन ३० गतेसम्म सञ्चालन हुने सो प्रतियोगिताको मुख्य प्रायोजकमा पुनर्वास नगरपालिका वडा नम्बर १० रहेको छ भने सह–प्रयोजकमा श्री चन्द्र सूर्य इँटा उद्योग पुनर्वास १० रहेको क्लवका अध्यक्ष काशीराम बोहराले बताए।
यस्तै प्रतियोगिताको संरक्षकमा पुनर्वास नगरपालिका र लालझाडी गाउँपालिका कञ्चनपुर जिल्ला फुटबल सङ्घ रहेको छ । प्रतियोगितामा म्यान अफ द म्याचको पुरस्कार ड्रिम एजुकेशन कन्सल्टेन्सी सेन्टर धनगढीले प्रायोजना गरेको छ ।
यस्तै उत्कृष्ट खेलाडी प्रायोजकमा सुदूरपश्चिम फुटबल एकेडेमी पुर्नवास, उत्कृष्ट फरवार्ड प्रायोजकमा एमबीएल स्टिल एण्ड आल्मुनियम उद्योग धनगढी, उत्कृष्ट मिड फिल्डरको प्रायोजकमा एबीडी निमार्ण सेवा धनगढी रहेको छ ।
यस्तै रिदम फलसिलिङ डेकोरेसन हाउस धनगढीले उत्कृष्ट डिफेन्सको पुरस्कार दिनेछ भने डी एण्ड डी ट्रेड एण्ड कन्सर्न उत्कृष्ट गोल रक्षकको प्रायोजकमा जोडिएको छ । प्रतियोगिताको सर्वाधिक गोलकर्ता प्रायोजकमा श्री विजय मावि पुनर्वास १०, उदयीमान खेलाडी श्री फारवेष्ट ईन्टरनेशनल स्कुल पुनर्वास १० रहेको छ ।
बैङ्किङ पार्टनरमा माछापुच्छ्रे बैक पुनर्वास ३ कञ्चनपुर जोडिएको छ भने हस्पिटल पार्टनरमा निसर्ग हस्पिटल एण्ड रिसर्च सेन्टर धनगढी र मिडिया पार्टनरमा नागरिक आवाज अनलाइन जोडिएको छ ।
१६ टीमको सहभागिता रहनेको सो प्रतियोगिताको विजेताले प्रतियोगिताको विजेताले ट्रफीसहित २ लाख ११ हजार १११ रुपैयाँ र द्वितीय हुनेले ट्रफीसहित नगद १ लाख ११ हजार १११ रुपैयाँ पाउनेछ ।
यस्तै उत्कृष्ट खेलाडीलाई १० हजार, उत्कृष्ट फरवार्ड , उत्कृष्ट डिफेन्स, उत्कृष्ट गोलकर्ता र उत्कृष्ट उदयमान खेलाडीलाई जनही पाँच÷पाँच हजार प्रदान गरिने छ भने प्रत्येक म्याचको म्यान अफ द म्याचलाई नगद १ हजार १०० दिइने आयोजकले जनाएको छ । प्रतियोगिताको उद्घाटन सुदूरपश्चिम प्रदेश सभा सदस्य वीरबहादुर थापाले गर्ने कार्यक्रम तय भएको छ ।
लालझडी युवा क्वलले कोरोना हामारीका कारण यसअघि प्रतियोगिताका दुईवटा संस्करण आयोजना गर्न सकेको थिए । क्लवले अब प्रतियोगितालाई निरन्तरता दिने अध्यक्ष बोहराले बताए ।
