धनगढी- सुदूरपश्चिम प्रदेश सरकारले आफ्नो प्रदेशबाट प्रतिनिधित्व गर्ने नेपाली राष्ट्रिय क्रिकेट टिमका दुई खेलाडीलाई जनही दुई लाख रूपैयाँ दिने भएको छ।
राष्ट्रिय टिममा सुदूरपश्चिमबाट प्रतिनिधित्व गर्ने दीपेन्द्र सिंह ऐरी र भीम सार्कीलाई जनही दुई÷दुई लाख रुपैयाँसहित पाँच खेलाडीलाई प्रदेश सरकारले सम्मान स्वरुप नगद दिने मुख्यमन्त्री कमलबहादुर शाहले घोषणा गरेका हुन्।
नेपाललाई विश्वकप क्रिकेटको क्वालिफायरमा छनोट गराउँदै ऐतिहासिक सफलता दिलाउन भूमिका खेलेको भन्दै सरकारले उनीहरूलाई नगद पुरस्कार प्रदान गर्न लागिएको जनाएको छ ।
यस्तै टिममा परेका खेलाडी सन्दीप जोरालाई १ लाख र अन्तिम १८ मा परेका कमल सिंह ऐरी र अर्जुन सावदलाई जनही ५० हजार दिइनेछ।
