धनगढी- लिटल फ्लावर प्रीमियर लिगको आठौं संस्करण यहि मंसिर ९ गते देखि हुने भएको छ । लिटल फ्लावर स्पोर्टस क्लब धनगढीको आयोजनामा संचालन हुन गइरहेको खुला ९सिनियर० टी–२० क्रिकेट प्रतियोगिता २०८० लिटल फ्लावर प्रीमियर लिगको आठौं संस्करण २०८० मंसिर ९ गते देखि २३ गते सम्म संचालन हुने क्लबका अध्यक्ष रामचन्द्र शाहीले जानकारी दिए ।
प्रतियोगिता आठौं संस्करण धनगढी स्थित फाप्ला क्रिकेट मैदानमा संचालन हुने छ । प्रतियोगिताको विजेताले नगद रु दुई लाख पचपन्न हजार पाँच सय पचपन्न तथा उपविजेताले एकलाख आठाइस हजार नगद तथा ट्रफी, मेडल र प्रमाणपत्र प्राप्त गर्ने छन । प्रतियोगितामा सर्वोत्कृष्ट खेलाडीले नगद १५ हजार, उत्कृष्ट बलरले नगद रु ७ हजार पाँच सय उत्कृष्ट ब्याटरले नगद ७ हजार पाँच सय प्राप्त गर्ने छन ।
खेलको प्लेयर अफ द म्याचले नगद रु। १ हजार पाँच सय र प्रतियोगिताको उदियमान खेलाडीले ५ हजार नगद पुरस्कारका साथै ट्रफी, मेडल र प्रमाणपत्र प्राप्त गर्ने छन । सम्पुर्ण खेलहरु राष्ट्रिय टेलिभिजन न्यूज नेपाल टेलिभिजन एचडी द्वारा प्रसारण गरिने आयोजकले जनाएको छ ।
२०७३ मा माघ ०५ गते देखि माघ १६ गते सम्म यस प्रतियोगिताको पहिलो संस्करण सम्पन्न भएको थियो। यो प्रतियोगिता प्रत्येक वर्ष संचालन हुने गर्दछ ।
प्रतियोगितामा विगतका वर्षहरुमा १० वटा टीमको सहभागीता रहेको भएपनि यस वर्ष १६ वटा टिमले सहभागिता जनाउने छन्।
प्रतियोगिताको आयोजक लिटल फ्लावर स्पोर्टस क्लब रहेको छ भने प्रबर्द्धकमा धनगढी उपमहानगरपालिका रहेको छ। यसै गरि सपोर्टड वाई लिटल फलावर बोर्डिङ स्कुल धनगढी रहेको छ।
यसैगरी हस्पिटालिटी पार्टनर ईमेज होटल प्रा।लि, पब्लिकेशन पार्टनर ओसन पब्लिकेशन प्रालि, स्टेशनरी पार्टनर सानभी बुक्स एण्ड स्टेशनरी, सहप्रायोजक राईजिङ्ग स्टार बोर्डिङ स्कूल, सहप्रायोजक युवा समाजसेवी विनोद शाही हाल अमेरिका,श्री कलेज अफ मेनेजमेन्ट काठमाडौ रहेका छन।
व्यानर प्रायोजकहरुमा समाजसेवी ईन्द्र बहादुर चन्द, समाजसेवी कृति नाथ, समाजसेवी सागर भण्डारी, समाजसेवी अनुज विष्ट हाल अस्ट्रेलिया, न्यू आर्यान फेन्सी स्टोर, मालिकार्जुन हार्डवेयर प्रालि र कमिक्षा देवी डेरी रहेका छन्।
