२०६५ साल पौष २३ गते धनगढीमा स्थापना भएको हिमशिखर बहुउद्देश्यीय सहकारी संस्थाको केन्द्रीय कार्यालय धनगढी उपमहानगरपालिका ५ तरानगरमा रहेको छ । स्थापना कालको यो अवधिसम्म आइपुग्दा सो सहकारीले गौरीगंगा नगरपालिका, कैलारी गाउँपालिका, गोदावरी नगरपालिकामा शाखा कार्यालय स्थापना गरिसकेको छ भने बचत तथा ऋण अन्र्तगतका सेवा केन्द्रहरू अत्तरिया,बढैपुर, हसुलिया, र धनगढी उपमहानगरपालिकामा छन् । संस्थाको सेयर पुँजी रु ३ करोड ५५ लाख, सेयर सदस्य संख्या ४ हजार १२४, कृर्षि र उत्पादन क्षेत्रमा रु ५४ करोड लगानी गरेको छ । संस्थालाई अघि बढाउन स्थापना कालदेखि नै संस्थालाई नयाँ उचाईमा पुर्‍याउन महत्त्वपूर्ण भूमिकामा रहेका संस्थाका प्रमुख व्यवस्थापक महेन्द्र शाहीसँग निशाना न्युजले गरेको कुराकानीको सारसंक्षेप यहाँ प्रस्तुत गरिएको छ ।।।

१. संस्थाले मुख्य गरी कुन–कुन क्षेत्रमा लगानी गरिरहेको छ ?
संस्थाले मुख्य गरी उत्पादनमूलक, ब्यबसायिक, कृर्षि, साना तथा घरेलु उद्योगहरूमा लगानी गरिरहेको छ ।

२.  लगानीको वातावरण कस्तो छ ?
हामीले उत्पादन क्षेत्रमा लगानी गरेका कारण लगानीको वातावरण ठिकै छ, सुरक्षित छ । सदस्यहरूको जीवनस्तर उकास्ने खालका कामहरूलाई प्राथमिकता दिँदै बचत तथा ऋणको अलवा सहुलियत दरमा कुर्षि औजार बिक्री वितरण गर्दै आएका छौ । हामीले संस्थाको आफ्नै १२ कट्ठा जन्मिनमा बीऊ प्रशोधन केन्द्र स्थापना गरेका छौ । जस्ले गर्दा त्यहाँका कृषकलाई प्रत्यक्ष लाभ भएको छ । लगानीको वातावरण सुरक्षित भएका कारण अहिलेको अवस्थामा संस्थालाई कुनै फरक परेको छैन । जुन उद्देश्यका साथ कर्जा लिएका छन् त्यसै उद्देश्यका साथ लगानी पनि उठिरहेको छ ।

३. अहिले सहकारी संस्थामा जुन समस्या देखिएको छ यसलाई तपाईँले कसरी नियाली राख्नु भएको छ ?
सहकारीका आफ्ना मूल्य, मान्यता,सिद्धान्तहरू छन् । त्यसै अनुसार अनुशासन भित्र चलेका छन । अहिले केही सहकारीमा समस्या देखिएको छ । उनीहरूले सहकारीका मूल्य मान्यता सिदन्तलाई भुलेका कारण यो अवस्था आएको हो । उनीहरू न्यूनतम अनुशासनमा चलेनन् । हिमशिखर समुदायमा आधारित भएका कारणले पनि यसमा कुनै असर पर्दैनर पर्ने वाला पनि छैन् ।

४. आगामी दिनमा हिमशिखर सहकारी संस्थाको योजना के छ ?
हाम्रा गतिविधि सेवाहरू प्रभावकारीका साथ अघि बढ्नेछन् । अक्र्रो कुरा भन्नु पर्दा अबको दिनमा सेवाहरूलाई सदस्यसँग प्रत्यक्ष जोड्ने कार्यक्रम छ । सदस्यको जीवनसँग जोडिने सदस्य राहत कोष , कुनै कारण सदस्यको मृत्यु भए वा परिवारमा घटना घटे संस्थाले राहत कोषको व्यवस्था गरेको छ । महिला सदस्यको हकमा सुत्केरी पोषणका कार्यक्रमहरू छन् । यसलाई अझै परिमार्जित गर्दे आगामी दिनमा थप कार्यक्रम योजना ल्याइने छ । सदस्यहरू बिरामी हुँदा उपचारमा सहुलियतका लागी नवजीवन , कान्तिपुर,डेन्टल र धनगढी, नेत्रालयमा सम्झौता गरेका छौ । संस्थाका सदस्यहरूको उपचारमा सहज होस् भन्नका लागी भने संस्थाको परिचयपत्र अनिवार्य आवश्यक पर्छ । सदस्यलाई केन्द्रित गरेर थप केही नयाँ योजना ल्याउँदै छौ । सहकारीले विभिन्न सामाजिक कृयाकलापमा पनि सहकार्यका साथ सहयोग गर्दै आएको छ । बार्षिकार्यक्रम अन्तर्गत खेलकुद क्षेत्रमा सहयोग गर्दै आएका छौ ।

५. अन्तमा केही भन्नु छ ?
सम्पूर्ण सेयर सदस्यहरूले यो स्थापना कालदेखि संस्थालाई नयाँ उचाई पुर्‍याउन सफल हुनु भएको छ । त्यसै गरी आगामी दिनमा सहयोग गर्दै जानु हुने छ भन्ने अपेक्षा पनि छ । यो संस्थालाई अघि बढाउन शेयर सदस्य ज्युहरूले प्रत्यक्ष रूपमा चाँसो राखेर सुझाव सल्लाह दिँदै गर्नु होला । संस्थाको साधारण सभा र अन्य कार्यक्रममा अनिवार्य उपस्थिति जनाई आवश्यक सुझावको पनि हामीले अपेक्षा राखेका छौँ । तपाईहरुको सक्रियताले नै संस्था बलियो हुँदै जाने छ ।