नवजीवन सहकारी संस्था २०५० साल मंसिर ३० गते स्थापना भएको हो । यो संस्थाको शेयर सदस्य ३२ हजार ७ सय छन । मंसिर ३० गते हुने बार्षिक साधारण सभामा संस्थाको स्थापना गरी हुर्काएका ६४ जनालाई पुरस्कृत गर्ने कार्यक्रम रहेको छ । नवजीवनले आफ्ना शेयर सदस्यको लागि जन्म देखि मृत्यु हुँदा सम्मको राहतका कार्यक्रमहरु ल्याएको छ । नवजीवनको अवस्था,विश्वशनियता,कार्यसमितिले गरेका कामका बारेमा नवजीवन सहकारी संस्थाकाका अध्यक्ष देवबहादुर बमसँग निशाना न्युजले गरेको कुराकानी प्रस्तुत गरेका छौँ । 

तपाइँ अध्यक्ष भएर आइसकेपछि नवजीवन सहकारी संस्थामा के–कस्ता कामहरु भए ?

म अध्यक्ष भएर आइसकेपछि पुराना बनेका कार्यविधीलाई कार्यान्वयनमा ल्याउने काम भए । वर्तमान कार्यसमितिले शेयर सदस्यमा पर्ने समस्याको मध्यनजर गर्दे राहातका प्याकेज ल्याएका छौ । बच्चा जन्मदा महिला सदस्यलाई ५ हजार सुत्केरी भत्ता दिने गरेका छौ ।
सबै शेयर सदस्य बिरामी हँुदा २० हजार, अंग प्रयारोपणमा एक लाख,मृत्यु हँुदा औषधी उपचारमा घटीमा १० हजार देखी बढीमा ३५ हजार,मृत्यु भएकाको दाहसस्कारको लागि २० हजार राहत दिने कुरालाई कार्यान्यनमा ल्याएका छौँ ।
आर्थिक अवस्था कमजोर भएकाको लागि दाउरा नपाएर टायर बाल्नु पर्ने अवस्थाको अन्त्य गर्दै दाउराका लागि २० हजार दिने गरेका छाँै । सहकारीले यो वर्ष १२ करोड १९ लाख आम्दानी गरेको कुरा पनि अवगत गराउन चाहान्छु । पैसालाई सदुपयोग गर्दे यो संस्थालाई सुदूरपश्चिमकै अग्रणी संस्थाको रुपमा विकास गर्न हामी लागिरहेका छौँ ।

मझगाउँमा खाद्य उधोग संचालमा छ । जेठ महिना भित्र आफनै ब्राण्डको चामल खुवाउने छौँ । क्रमिक रुपमा मसुराको दाल,तोरी, तेल पिठो पनि आफै उत्पादन गर्ने तयारीमा जुटेका छौँ । साधारण सभामा पास गराएर सुपथ मुल्य पसल खोल्ने तयारी पनि छ । कैलालीको जुगेडामा सदस्यहरुले लघुबित्त मार्फत च्याउ खेती, लक्ष्मीनगरमा तरकारी खेती, बेलामा गाईपालन भँैसी पालन गरिरहेका छन् ।

नवजीवनले अहिले कति वटा शाखाबाट सेवा बिस्तार गरेको छ ?

हिजो ५ शाखाबाट सेवा गरिरहेका थियौँ भने भने अहिले १० शाखा बाट सेवा दिइरहेका छौँ । अहिले हामी पहाडी जिल्लामा पुग्न सकेका छैनाँै, प्रधान कार्यालय धनगढीमा छ भने अन्य शाखा कार्यालय राजपुर ,कंचनपुरको आईबीआरडी,कैलालीको अत्तरिया,चौमाला,सुखड,जोशीपुर,हसुलिया,टीकापुर र बर्दियाको बाँसघडीबाट सेवा विस्तार छ । हामी लगत्तै सहकारीबाट अनुमति लिइ काठमाण्डाँैको नयाँबानेश्वर,पहाडी जिल्लाको डडेल्धुरामा शाखा विस्तार गर्ने तयारीमा छौँ ।

नवजीवनले कस्तो क्षेत्रमा लगानी गरिरहेको छ ?

हामीले उद्योग व्यापार,कृर्षि क्षेत्रमा लगानी गर्दै आएका छाँै । नवजीवनले २ बर्ष भयो लघुवित्त संचालन गरेको,यसमा महिलालाई केन्द्रीत गरी ७ सय ८८ जना महिलालाई बिनाधितो गाईपालन,भैसीपालन,तरकारी,च्याउखेतीका लागि ऋण दिने गरेका छाँै । त्यस्तै अहिले नवजीवनको ५ हजार मेट्रिक टनको खाद्य गोदाम सञ्चालनमा छ । धान खरिद गर्न पनि थालेका छौँ ।

सहकारी क्षेत्रमा विश्वसनीयता माथि प्रश्न चिन्ह खडा भएको छ, नवजीवनको अवस्था कस्तो छनी ?

नवजीवनको विश्वसनीयता माथी प्रश्न चिन्ह खडा हुने चान्स नै हँुदैन । लगानी सहि ठाउँमा छ । अर्को कुरा भन्नु पर्दा संस्थाका सञ्चालक समितिका सदस्य र समपरिक्षकका सदस्य कुनैले पनि ऋण लिन नपाउने व्यवस्थाका कारण पनि संस्थाको बिश्वसनीयता बढेको छ । उदाहरणको लागि शिवशिखरलाई हेरौँ,पैँसा जनताको उठाउने व्यक्तीगत प्रयोजनमा लगाएका कारण डुबेको छ । त्यस्तो यो संस्थामा छैन । उतिखेर २८ लाखमा धनगढी मेनरोडमा किनेको जग्गा ५ करोड भएको छ ,धनगढी,अत्तरिया टीकापुरमा आफ्नै भवन ,बाँसगडी र मझगाउँमा संस्थाको आफ्नै जग्गा छ । यो संस्थाप्रति कसैको अविश्वसनीयता छैन ।

थप केही नयाँ योजना छ ?

यो संस्थालाई सुदूरपश्चिमकै नमुना सहकारी बनाउन लाग्ने योजना छ । यसलाई उत्पादनसँग जोड्ने लक्ष्य छ । शेयर सदस्य मालिक हुन,कर्मचारी सेवक हुन,सञ्चालक समितिका सदस्य चौकीदार हुन । शेयर सदस्यका पीडालाई बुझ्दै सबैलाई उत्पादनमा जोड्ने मेरो मुख्य योजना छ । ३२ हजार प्रति शेयर सदस्यबाट ५० र कमाएको पैसाबाट ५ प्रतिशत रकम छुट्याउर नवजीबन शेयर सदस्य हितकोष निर्माण गरेका छौँ । त्यस्मा हामीले पैसा जम्मा गरेका छौँ । सेवा सुविधा पनि सहज रुपमा पाउने व्यवस्था गरेका छौँ । सबै हामी ईमान्दार भएर काम गर्छौँ । संस्थालाई नमुना संस्था बनायर अगाडि बढाउने योजना छ ।