धनगढी- नेकपा एमाले कैलालीको नयाँ नेतृत्व चयनका लागि शुक्रबार भइरहेको निर्वाचनमा मतदान जारी रहेको छ । सुखडमा रहेको घोडाघोडी बहुमुखी क्याम्पसको सभाहलमा बिहान ९ बजेबाट सुरु भएको मतदान जारी रहेको जनाइएको छ ।
अधिवेशनमा नेतृत्व चयनका लागि सहमतिको प्रयास असफल भएपछि मंगलबारबाट निर्वाचन प्रकृया थालिएको भएपनि विविध कारणबस लम्बिदै जाँदा आज मतदान सुरु गरिएको हो । अध्यक्षका लागि डेजी पाण्डे,दुर्गा जोशी र यज्ञराज ढुंगानाको त्रिपक्षीय प्रतिष्पर्धा छ ।
त्यस्तै उपाध्यक्षका लागि गजेन्द्र स्वार,विष्णुबहादुर चौधरी, मदनराज ओझा,दलबहादुर विष्ट र लोकेन्द्रबहादुर शाही रहेका छन् । सचिवमा विष्णुकुमार चन्द, दानबहादुर विश्वकर्मा, र ममता प्रसाद चौधरी गरी ३ जना चुनावी प्रतिष्पर्धामा रहेका छन् । उपसचिवमा चुडामणी भट्ट,नृप खड्का,भुवन रिजाल र राजु गुरुङ प्रतिष्पर्धी छन् । त्यस्तै महिला उपसचिवमा अम्बिका बिष्ट मल्ल,गंगाकुमारी चौधरी,रत्नाकुमारी जोशी र शान्तिदेवी सिंह रहेका छन् । ५ सय ९१ जना मतदाता रहेको जनाइएको छ । अधिवेशन फागुन ६ गते उद्घाटन गरिएको थियो ।
