कैलालीको होटल व्यवसायी संघको निर्वाचन भएको करिब एक वर्ष भयो । संघमा नवीकरण गरेका कुल सदस्य ३ सय ५० छन् । यो एक वर्षको अवधिमा होटल व्यवसायको क्षेत्रमा देखिएका चुनौती ,समस्या समाधान र भए गरेका कामका बिषयमा होटल व्यवसायी संघ कैलाली जिल्लाका अध्यक्ष केशव पाण्डेयसँग निशाना न्युजले गरेको कुराकानी प्रस्तुत गरेका छौँ ।
एक वर्षको अवधीमा होटेल व्यवसायीका लागि के–के काम गर्नुभयो ?
म निर्वाचित भएर आएपछि एउटा पर्यटन सहाययता कक्ष स्थापना ग¥यौँ । पर्यटन विकास कार्यक्रम कार्यान्वयन इकाइ धनगढीबाट आर्थिक सहयोगमा सुदूरपश्चिका पर्यटकीय तथा धार्मीक गन्तव्यलाई निशाना बनाएर हामीले एउटा बुकलेट प्रकाशन ग¥यौँ । जसले सुदूरपश्चिमको पर्यटनमा कुन–कुन क्षेत्रमा पर्यटकीय तथा धार्मीक स्थलहरु छन् भन्ने कुरा उजागर हुन्छ र पर्यटकहरुलाई थाहा हुन्छ भन्ने उदेश्यले सबै जिल्लाका मुख्य गन्तव्यलाई राखेर स्तरिय बुकलेट बनायौँ । पर्यटन सहायता कक्ष भनेर अहिले हामी त्रिनगर नाकामा अहिले सुरु गरिरहेका छौँ । त्यसमा भारतबाट आउने पर्यटकको तथ्यांक राख्छौँ । त्यहाँ तथ्यांक अध्यावधिक गर्ने काम हुन्छ । प्रत्येक महिना कति र कस्ता किसिमका पर्यटक भित्रिए भनेर पर्यटन विकास कार्यान्वयन इकाइलाई उपलब्ध गराउँछौँ ।
यस वर्ष पर्यटनबाट आएको कार्यक्रम अन्तरगत हामीले धनगढीबाट सुदूरपश्चिम प्रदेशका पर्यटकीय तथा धार्मीक स्थल कति टाढा छ भनेर सडक डिभिजनबाट वास्तविक दुरी पत्ता लगाएर ठूला १०Х२० को होडिङ बोर्ड बनाएर तीन ठाउँमा त्रिनगर नाका,फाप्ला जाने बाटो र धनगढी विमानस्थलमा राखेका छौँ । पर्यटन क्षेत्रमा सहयोग गर्नका लागि होटल व्यवसायी संघ कैलालीको टीम गएर काठमाण्डौँमा गयर पर्यटन प्रर्वृधनका लागि यसै क्षेत्रका पूर्व प्रधामन्त्री शेरबहादुर देउवालाई भेटेर अनुरोध ग¥यौँ ।
नेपाल होटल एसोशेसन संघ (नाथम) जसले प्रतिष्ठानको काम गर्छ । तालिम दिने काम गर्छ । त्यसको शाखा कार्यालय सुदूरपश्चिममा स्थापना गरिदिनुस् ताकी दक्ष जनशक्ति पूरा गर्न काठमाण्डौँ नभएर यही पाइयोस भनेर अनुरोघ गरेका छौँ । ऐन संशोधन गरेपछि गरौँला भन्ने आश्वासन मिलेको छ ।
सुदूरपश्चिममा पर्यटनको सम्भावना धेरै छ, नेपाल पर्यटन बोर्डबाट सुदूरपश्चिमलाई बजेट विनियोजन भएको छैन् । अब देखि दिनु होला भनेर बोर्डलाई कुरा राखेका छौँ । त्यसै गरी नेपाल एशासेशन अफ ¥याफ्टिङले हाम्रो अनुरोधमा केही दिन अगाडि महाकाली नदीमा ¥याफ्टिङ सुरु गरिएको छ र निरन्तर चलिरहेको छ । हालै सुदुरपश्चिमको प्रयटन बिकासका लागी युरोपका जर्मन लगाएत ७ देशमा भ्रमण गरेर एनआरएन संग भेटी यस क्षेत्रको प्रयटनको सम्बन्धमा जानकारी गरी फर्केका छौ । यहाको प्रयटनको बिकासका लागी भरपुर लागेर अघि बढेका छौ ।
होटल व्यवसायीका हक हितमा पूर्णकालिन व्यवसाय सञ्चालनका लागि पहल गरेका छौँ । सम्पूर्ण होटल व्यवसाय २४ घण्टा खुल्नुपर्ने व्यवसाय हो । राती १० बजेदेखि बन्द नगरिकन पूर्णकालिन खोल्न दिनु प¥यो भनेर जिल्लाको सिडिओ,एसपीलाई अनुरोध ग¥यौँ र उहाँहरुले त्यो मानेर जसको मापदण्ड पुगेको छ त्यो सञ्चानलमा छन् । मापदण्ड नपुगेका होटल पनि मापदण्ड पु¥याएर पूर्णकालिन सञ्चालन हुने तयारीमा छन् ।
कोरोनापछि होटल व्यवसाय संकटमा छन् भन्ने आवाज उठीरहेका छन् । यसलाई सहजिकरण गर्ने केही योजना छन् ?
नेपाल सरकारलाई के अनुरोध गरेका छौँ भने कोरोनापछि जसरी होटल व्यवसाय तहसनहस र बन्द हुने अवस्थामा पुगे । घरभाडा तिर्न नसक्ने,कर्मचारी पाल्न नसक्ने अवस्थामा जब पुगे । सहुलियत दरको कर्जा होटल व्यवसायीलाई उपलब्ध गराउनुस् । यो आफैमा उद्योग हो । हामीले श्रमिकलाई राजगारी सिर्जना गरेका हुन्छौँ । समस्यामा पनि होटल ब्यबसायको बिकासका लागी राज्यलाई घच्घच्याई रहेयौ ।
हामी मात्रै नभर हामीले रोजगारी दिएका युवाहरु बेरोजगार हुन्छन् । ठूला ठूला होटल सञ्चानलका लागि दीर्घकालिन रुपमा आयकर छुटको व्यवस्थादेखि लिएर सहुलित कर्जा ,लामो समयका लागि घर लिजमा उपलब्ध गराई दिने व्यवस्था गरिदिनु प¥यो,सरकारी जग्गा उपलब्ध गराइ दिनु प¥यो त्यस्तो ठाउँमा हामीले होमस्टे,रिसोर्ट र होटल खोल्नका लागि सहज हुन्छ र आन्तरिक राजस्वले पनि करमा अलिकति सहुलियत दरमा कर लिनु प¥यो भन्ने अनुरोध गरेका छौँ ।
सरकारले करको दायरा सहज बनाएको भन्ने छ । यसमा के बनाएको छ ?
सरकारले सहुलियत दरमा कर्जाका लागि स्टेन्डर होटल जुन होटल मुल्यअभिबृद्धि दरमा दर्ता छ । त्यस्तो होटेलको मापदण्ड हेरेर मुल्य अभिबृद्धि दर फिर्ता दिने भनेर ५/५ लाख दिएको दखिन्छ । ठूलो स्केलमा सहुलियत हुने कार्यक्रम नेपाल सरकारले ल्याएको छैन् ।
अरु केही थप योजना छन् ?
हाम्रो सेक्टरमा दक्ष जनशक्तिको अभाव छ । दक्ष जनशक्ति विदेशमा जाने,तेस्रो मुलुक नभए काम सिकेका मान्छे तलब बढी हुने भएपछि भारत जाने अवस्था छ । त्यसकारण हामीले बढीभन्दा बढी कर्मचारीलाई हामीले सम्बन्धित बिषयमा व्यवहारिक ज्ञान दिएर सीप सिकाएर पर्यटन बोर्ड,नाथम,होटल मेनेजमेन्ट सञ्चालन गरेका स्कुलहरुसँग समन्वय गरेर दक्ष तालिम दिने भन्ने हाम्रो दीर्घकालिन सोच छ । बैधानिकरुपमा होटल सञ्चालन गरेका छन् र अप्ठेरो प¥यो भने उहाँहरुको पक्षमा ओकालत गर्ने भन्ने हो ।
