कञ्चनपुर- कञ्चनपुर प्रहरीले २०० क्विन्टल गहुँ बोकेका ट्याक्टरका दुई ट्रली फेला पारेको छ। कञ्चनपुरको बेलौरी नगरपालिका९८ कलकत्तामा अवैध रूपमा भारतबाट नेपालतर्फ ल्याउँदै गरेको ट्याक्टरका दुई ट्रली प्रहरी टोलीले फेला पारेको हो।
अन्दाजी १४ लाख ५० हजार मूल्यको २०० क्विन्टल गहुँ र ट्याक्टरको ट्रली दुई थान मंगलवार इलाका प्रहरी कार्यालय बेलौरीबाट खटिएको गस्ती टोलीले फेला पारी नियन्त्रणमा लिएको प्रदेश प्रहरी कार्यालय धनगढीले बताएको छ । उक्त गहुँ र ट्रली आवश्यक कारबाहीको लागि कैलाली भन्सार कार्यालय त्रिनगरमा बुझाइएको बताइएको छ ।
