धनगढी- कैलाली हार्डवेयर व्यवसायी सङ्घको १२ औँ वार्षिक साधारण सभा सम्पन्न भएको छ। धनगढीमा शनिवार एक कार्यक्रमका बिच कैलाली हार्डवेयर व्यवसायी सङ्घको १२ औँ वार्षिक साधारण सभा सम्पन्न भएको हो ।
कार्यक्रममा बोल्दै प्रमुख अतिथि सुदूरपश्चिम प्रदेशका मुख्य सचिव हरि लम्सालले अहिलेको पछिल्लो समयमा व्यवसाय गर्ने निकै गाह्रो भएको बताए ।
कोभिड भन्दा पहिला कुनै पनि व्यवसाय गर्न राम्रो हुने गरेकोमा अहिलेको समयमा अवस्थामा व्यवसायमा मन्दी आएको बताए । आजको परिवेशमा हामी तिनै तहका सरकार मिलेर हार्डवेयर व्यवसाय मिलेर अगाडि बढ्न आग्रह समेत गरे ।
पछिल्लो समयमा दिनानुदिन दिन युवा वर्ग विदेश गएको रोजगारीका सृजना नहुँदा हामी सबैले एक अर्को प्रर्ति साझेदारी गरेर अगाडि बढ्न तयार व्यक्ति तर्फबाट, सरकार तर्फबाट पनि आफू गर्ने प्रतिबद्धता जनाए ।
त्यस्तै कार्यक्रममा बोल्दै कैलाली उद्योग वाणिज्य संघका अध्यक्ष तथा केन्द्रीय सदस्य पुष्पराज कुँवरले हामी जस्ता सुकै युवाको सवालमा होस् वा रोजगारीका सवालमा हामी उद्योग वाणिज्य सङ्घ सबै सँग सहकार्य गर्न तयार रहेको बताए।
त्यस्तै कार्यक्रम बोल्दै हार्डवेयर व्यवसाय सङ्घका अध्यक्ष कुबेरबहादुर शाहीले सुदूरपश्चिम प्रदेशमा तीन हजार भन्दा बढी हार्डवेयर व्यवसाय रहेको बताए। हार्डवेयर व्यवसायमा अरू प्रदेश दाँजो पनि हाम्रो प्रदेश पनि अगाडि बढेको बताए।
देशमा रोजगारी सृजना गर्ने कुरामा सबै किराना व्यवसाय सङ्घ,उद्योग वाणिज्य सङ्घ, हार्डवेयर,सङ्घ सुन चाँदी व्यवसाय सङ्घ लगायतका व्यवसायीहरू एक ठाउँमा भएर काम गरेमा राम्रो प्रभाव पर्ने बताए ।यसले पक्कै पनि समाज,देश,राष्ट्रको विकासमा टेवा पुग्ने उनले बताए । कार्यक्रममा तीन जना व्यक्तिहरूलाई सम्मान समेत गरिएको थियो ।
