धनगढी- मंसिर ४ गते हुने संघिय निर्वाचनमा कैलाली क्षेत्र नं. ३ बाट पत्रकार दुर्गा भण्डारी चुनाव लड्ने भएका छन् । शुक्रवार सामाजिक संजाल फेसबुक मार्फत उनि सो क्षेत्रबाट चुनाव लड्ने घोषणा गरेका हुन् ।
कुनै पार्टी अथवा स्वतन्त्र उम्मेदवारको रुपमा निर्वाचनमा सहभागि हुने विषयमा स्पष्ट नखुलाएका उनले आफ्नो उम्मेदवारी जनपक्षिय उम्मेदवारका रुपमा रहने भनेका छन् ।
नेकपा (माओवादी केन्द्र) को केन्द्रिय प्रचार तथा प्रकाशन विभाग सदस्य तथा प्रेस सेन्टर नेपालको केन्द्रिय कमिटीमा कार्यरत पत्रकार भंण्डारीले संगठनमा न्यायको अनुभूति नभएको भन्दै सो पदबाट श्रावण १४ गते राजीनामा दिएका थिए ।
त्यसपश्चात उनि हाल सम्म स्वतन्त्र रुपमा रहँदै आएका छन् । सुदूरपश्चिमका जेष्ठ पत्रकारको रुपमा रहेका पत्रकार भण्डारी सँग दर्जनौं संचारमाध्यममा कार्य गरेको अनुभव छ ।
