धनगढी- कृषि ज्ञान केन्द्र कैलालीले आफ्नै भवनबाट दैनिकी कामकाज सुचारु गरेको छ । लामो समयदेखी भाडाको घरबाट सेवा दिँदै आइरहेको कार्यालयले बिहिवार एक कार्यक्रमकाबीच सुदूरपश्चिम प्रदेशका भूमि व्यवस्था, कृषि तथा सहकारी मन्त्री विनीता चौधरीले भवनको उद्घाटन गरे । भवन उद्घाटन गदै मन्त्री चौधरीले सुदूरपश्चिममा धेरै कृषिको सम्भावना बोकेको प्रदेश रहेको बाताईन् । प्रदेश सरकारले कृषिमा धेरै लगानी गरिसकेको बताउँदै प्रतिफल मात्र आउन बाँकी रहेको समेत उनले बताईन् । कुन ठाउँमा के लगाउँदा राम्रो फल्न सक्छ के फल्न सक्छ त्यसको पनि सम्भाव्यता अध्ययन तिर प्रदेश सरकार लागी परेको बत्ताइन् ।

कृषकलाई अनुदान दिने देखी कृषकलाई हौसल्ला दिने काम भूमि व्यवस्था, कृषि तथा सहकारी मन्त्रालयले गदै आइरहेको मन्त्री चौधरीले बताइन् । संघीय सरकारको सहयोगमा र सुदूरपश्चिम प्रदेश सरकारको समन्वयमा दुई तले भवनको उद्घाटन गरिएको हो । खप्तड कन्स्ट्रक्सने ठेक्का पाएको थियो । रुपैयाँ १ करोड ११ लाखको लागतमा सम्झौता गरी समय अवधि भित्रै भवनको काम सम्पन्न गरेको कृषि ज्ञान केन्द्र कैलालीका कार्यालय प्रमुख खगेन्द्र प्रसाद शर्माले जानकारी दिए ।

उनका अनुसार देश सङ्घीयतामा गएसँगै नेपाल कृषि प्रधान देश भन्ने जिल्ला कृषि ज्ञान केन्द्र खारेज गरेको भन्दै आपत्ति जनाए । २०२५ साल देखी कार्यालय रहेको कृषि कार्यालय लामो समय देखी भाडामा चलाउँदै आएका थियौ ५ वर्ष पछि कृषि ज्ञान केन्द्रको आफ्नै कार्यालयबाट सेवा ग्राहीलाई सेवा दिन पाउँदा शर्माले खुसी व्यक्त गरे ।

कैलाली जिल्ला भुुगोल ठुलो क्षेत्रफल भएको कारणले कृषकलाई सजिलो होस् भन्ने हेतुले कैलाली जिल्लाकै बौनियामा ३ जना कर्मचारी राखेर सेवा दिइरहेको समेत उनले बताए । नयाँ भवनबाट थप सेवा सुविधा दिने लक्ष्य हेरेको उनले बताए । टोल फ्री नम्बर १६९११७००१ मेलबाट पनि गुनासो लिने , कृषि ज्ञान केन्द्रको वेभसाईटलाई सक्रिय बनाउने , मेल बाटै सुनाई गर्ने र थप कृषकहरूका मागको आधारमा सेवा प्रदाय दिने शर्माले बताए ।

भवनको उद्घाटन कार्यक्रममा राज्य मन्त्री मानबहादुर सुनार, प्रदेश सचिव डा. मदनसिंह धामी , कैलाली प्रमुख जिल्ला अधिकारी करण थापा प्रदेश कृषि अनुसन्धानका कृषि निर्देशक मथुराप्रसाद यादव , लगायत कृषिसँग प्रत्यक्ष सराकार राख्ने सरोकार वाला र कैलाली जिल्लाका कृषकहरूको सहभागिता रहेको थियो ।