नेकपा एमाले पार्टीले ग्रासरुट अभियान सम्पन्न पश्चात मिसन २०८४ सुरु गरेको छ । पार्टीले सो अभियानलाई अझ बढी प्रभावकारी बनाउने उदेश्यले जिल्ला सम्मेलन सम्पन्न गरेको छ भने जेठ २० गतेसम्ममा पालिका,वडा अधिवेशन सम्पन्न गर्ने तयारीमा जुटेको छ । पार्टीका जनवर्गीय संगठनलाई मजबुत र पार्टीलाई चलायमान बनाउन अघि बढेको नेकपा एमाले पार्टीले गोदावरी नगरपालिका क्षेत्रमा मिसन ८४ का लागि के–कस्ता गतिविधी अघि बढाउँदै लगेको छ भन्ने बिषयमा नेकपा एमालेका प्रदेश कमिटी सदस्य गोकर्ण भट्टसँग निशाना न्युजले गरेको कुराकानी प्रस्तुत गरेको छ ।

तपाईको पार्टीले मिसन २०८४ का लागि गोदावरी नगरक्षेत्रमा के–कस्ता गतिविधी अघि बढाउँदै लगेको छ ?

अहिले हामी मिसन २०८४ मा छौँ । गोदावरी क्षेत्रमा पार्टीलाई थप मजबुत बनाउन सदस्यता थप्ने, जनताका गुनासा सुन्ने,समस्या समाधानका उपायको खोजी गर्दै अघि बढेका छौँ । साथसाथै पहल पनि गरिरहेका छौँ । यस क्षेत्रमा पार्टीका संगठित सदस्य २ हजार १ सय ७ रहेको र ती सदस्यलाई आफनो क्षेत्रमा लागेर नयाँ थप सदस्य बनाउन आग्रह गर्दैछौँ । गांउ टोलका क्षेत्रमा गएर बैठक भेला गर्ने कामलाई एक साथ अगाडि बढाएका छौँ ।

तपाईको अभियानमा जनताको उत्साह कस्तो पाउनु भएको त ?

राम्रो पाएका छौँ । जनताको जनजीविकाको सवालमा पार्टी लागेको छ । जनताको परिवर्तनको संबाहक र समृद्ध नेपाल एमालेले नै गर्न सक्ने सुझाव जनताबाट पाएका छौँ भने हामीले गर्ने हरेक कार्यक्रममा जनताको उत्साहजनक उपस्थिति पनि हुने गरेको छ । पछिल्लो समय नेकपा एमाले पार्टीप्रति जनताको उत्साह निकै बढेर गएको छ ।

पार्टीले गर्नु पर्ने थप केही काम भनि दिनुहोस् न ?

पार्टीका नेता तथा कार्यकर्ता जनताको पक्षमा काम गर्न आ–आफनो क्षेत्रमा लागिपरेको छ । ग्रासरुटका जनताको समस्या समाधानमा पार्टी लाग्नुपर्ने देखिएको छ । हामी सबैको चाहना भनेको पहाडबाट तराई सर्ने प्रकृयालाई रोक्न सके र त्यसक्षेत्रका जनताको जनजीविकाको क्षेत्रमा सिंगो पार्टी लाग्न सके राम्रो हुन्थ्यो भन्ने छ । समस्याको पहिचान गरी नेतृत्व नै अग्रसर भएर हिड्नु पर्ने देखिन्छ ।

फरक प्रसंगमा भन्नु पर्दा तपाईको पार्टीले गोदावरी नगरपालिकाले खोलानालामा डोजर लगाएर उत्खलन ग¥यो भन्ने चर्को विरोध गरेको थियो अहिले के भईरहेको छ ?

हामीले विरोध धेरै ग¥यौँ । सम्बन्धित पक्षसँग पनि जानकारी नगराएका होइनौँ गरायाँै पनि तर उत्खलन गर्ने कार्य रोकिएको छैन । हामीले जिल्ला प्रशासन,जिल्ला समन्वय समिति ,अख्तियार लगायतका प्रमुखलाई ध्यान आर्कषण गरायाँै तर त्यता पट्टी कसैको ध्यान गएको छैन ।
खुटिया, खैराना खोलाको उत्खलनले गोदावरीको वडा नं.२,८,९ र खैरानाको ४,६ को बस्ती जोखिममा पर्दैछ यदी नगरपालिकाको यस्तै दादागिरी आफूखुसी गर्ने कामलाई रोक्न सकिएन भने निकट भविष्यमा नै मानव बस्ती जोखिममा पर्ने निश्चित छ । समयमै सबैको ध्यान जान जरुरी छ । हामी लागिरहेको छौँ । जथाभावी खोला नाला उत्खलनले कसैलाई पनि राम्रो गर्दैन । हाम्रो पार्टीले पटक–पटक विरोध गरिरहेको छ । उत्खलन क्षेत्रमा छिटो तटबन्धन गर्न हामी सम्बन्धित पक्षलाई आग्रह गर्दछौँ । खुटिया पुल क्षेत्र नजिकै उत्खलन भएको छ,जस्का कारण पुल नै भासिने खतरा बढेको छ । अर्को कुरा जेसीबीले ३ फिट तल खन्न नपाउने छ,उत्खलन जथाभावी भईरहेको छ र नगरपालिकाले मनपरी गरिरहेको पार्टीको धारणा रहँदै आएको छ ।