धनगढी- नयाँ प्रतिभाको खोजीका लागि स्रष्टा सृजना प्रस्तुति कार्यक्रम सम्पन्न भएको छ ।  प्रगतिशील लेखक संघ कैलालीको आयोजनामा शनिबार धनगढीमा स्रष्टा सृजना प्रस्तुति कार्यक्रम सम्पन्न भएको हो ।

कार्यक्रममा ३५ जना स्रष्टाले कविता,गजल, मुक्तक र गीत वाचन तथा साहित्य विमर्श मन्तव्य राखेका थिए ।
कार्यक्रममा साहित्यकार तीर्थराज ओझा ‘गड्सेरी माइला’, धर्मराज जोशी, तेज लुहार, सत्यराज जोशी, गणेश प्रसाद जोशी, तीर्थराज जोशी, तीर्थराज जोशी (शिक्षक), गगनसिंह भण्डारी, किरण विश्वकर्मा, जगदीश ओझा, जयलक्ष्मी जोशी, कमला तिमिल्सिना र राजबहादुर चन्दले साहित्य सृजना प्रस्तुतिसहित मन्तव्य राखेका थिए ।

त्यस्तै निशा जोशी, शैलेन्द्रबहादुर चन्द, कोपिला अवस्थी,आशिष भट्ट, दीपक बोहरा, मीना बुढा, गौरा धामी,दीपक चन्द, दशरथसिंह धामी,भगवती सुनार,चेतनविक्रम चन्द, कल्पना बडू, बसन्ती साउद,हेमन कुँवर र लक्ष्मीप्रसाद पौडेलले आ–आफ्ना साहित्य सृजना प्रस्तुतिसहित मन्तव्य राखेका थिए ।

जनक रसिकले समग्र कार्यक्रमको समालोचना र जगदीश ओझाले प्रलेस सुदूरपश्चिमको मुखपत्र ह्याँकको विमर्श गरेका थिए । छलफल,बहस र रचना वाचनको हिसाब निकै कार्यक्रम निकै प्रभावकारी भएको स्रष्टाहरुको प्रतिक्रिया थियो । उपस्थित स्रष्टाहरुले प्रगतिशील लेखक संघले सडक कविता कार्यक्रम राख्न सुझाव पनि दिएका थिए ।

प्रलेसका कैलाली संयोजक ओमप्रकाश पुनको अध्यक्षता भएको कार्यक्रममा प्रदेश सभा सदस्य तथा कवि शिवसिंह ओली प्रमुख अतिथि रहेका थिए । कार्यक्रमको विशिष्ट अतिथिहरुमा अन्तरिम विधायक तथा साहित्यकार मञ्जु बम,नेपाल प्रज्ञा प्रतिष्ठानका प्रज्ञा सभा सदस्य जनक रसिक,प्रलेसका केन्द्रीय सदस्य तिलकबहादुर सिंह,केन्द्रीय पार्षद तथा प्रदेश उपाध्यक्ष जगदीश ओझा,केन्द्रीय पार्षद तथा कैलाली जिल्ला इन्चार्ज कोपिला शर्मा,सुदूरपश्चिम साहित्य समाजका महासचिव तथा लेखक संघका अध्यक्ष गणेश नेपाली, अखिल नेपाल लेखक संघका प्रदेश अध्यक्ष बसन्त वागचन, दुर्गालक्ष्मी बहुमुखी क्यापसका प्रमुख तथा साहित्यकार हरिकृष्ण कठायत,सह–प्राध्यापक तथा साहित्यकार पदमप्रकाश साउद,अखिल नेपाल जनसाँस्कृतिक महासंघका केन्द्रीय सदस्य सिवी चन्द, साहित्यकार तथा संघका सल्लाहकार जयदेव जोशी ‘दार्चुले’, साहित्यकार लीला बास्कोटा, व्याङ्गे कवि प्रभाकर भण्डारी,संघका पूर्व केन्द्रीय सचिव वावुराम आचार्य,वालाराम उपाध्याय लगायत सुदूरपश्चिमका वरिष्ठ साहित्यकारहरु रहेका थिए ।

संघका सचिव तेजराज कापडीले सञ्चालन गरेको कार्यक्रममा संघका जिल्ला सदस्य उर्मिला न्यौपानेले स्वागत मन्तव्य राखेकी थिइन् । संघको नयाँ प्रतिभा खोजका लागि स्रष्टा सृजना कार्यक्रम जिल्लाव्यापी अभियानका रुपमा लिने कार्यक्रम अन्तरगतको यो दोस्रो सेसनको कार्यक्रम रहेको आयोजकले जनाएको छ । यसलाई अझै व्यापक र विस्तार गर्ने निर्णय संघले लिएको जनाइएको छ ।