कैलालीको गोदावरी नगरपालिका–१ स्थित सुन्दर सुदूरपश्चिम कृषि सहकारी संस्था लिमिटेड बचत समूहबाट सुरु भएको सहकारी संस्था हो । यस सहकारीले शेयर सदस्यहरुलाई ऋण लगानी गर्ने गरेको छ । व्यापारी कृषकहरुलाई ऋण लगानी गर्ने गरेको छ । यस सहकारीको समग्र अवस्थाको बारेमा सहकारीका व्यवस्थापक उमाकुमारी बिष्टसँग टंक कुँवरले गरेको कुराकानीमा आधारित विचार निशाना न्युजले प्रकाशित गरेको छ ।

२०७२ साल मंसिरमा सब्जीमण्डीका व्यापारीले मासिक एक हजार बचत गरेर सुरु भएको बचत समूह २०७६ बैशाख २२ गते सहकारीको रुपमा दर्ता भएको हो ।

५८ जना शेयर सदस्यबाट सुरु गरिएको हो । अहिले बचत कर्ता छ सय जना पुगेका छन् । दैनिक मासिक बचत गर्ने गरेका छौँ । सहकारीको प्रत्येक महिना मासिक बैठक बस्छ । पहिले मासिक बचत मात्रै गरेर सहकारी दर्ता गरिएको हो । अहिले चाहिँ लगानी पनि छ । बिना धितो दुई लाखसम्म लगानी गरेका छौँ । दुई जना शेयर सदस्यको साक्षीको रोहवरमा लगानी गर्ने गरेका छौँ ।

बढी कृषि क्षेत्रलाई प्रवर्द्धन गर्ने उदेश्यले शेयर सदस्य भित्रै व्यापारी कृषकहरुमा लगानी गरेका छौँ । ऋण लिने फलफूल तरकारी व्यापारी बढी छन् । करिब एक करोड आठ लाख लगानी गरिएको छ । कोरोनाको समयमा दुई/चार जनाको असुलीमा अली समस्या भएको थियो अरु त्यस्तो समस्या छैन् । व्यक्तिगत रुपमा ऋण दिने गरेका छौँ ।

अन्य सहकारीमा आएको समस्याले हामीलाई अलिअली असर त प¥यो । त्यस्तो धेरै असर त केही भएन् तर सदस्यहरुलाई अलिकती त्रास चाहिँ भयो । यो सहकारी प्रति सबैको विश्वास छ । विश्वास घटेको छैन् । सुरु सुरुमा बचत राम्रै थियो अहिले व्यापारको मन्दीका कारण अलि कम छ । यसलाई बहुउदेश्यीय बनाएर सानोतिनो फ्याक्ट्री खोल्ने भन्ने सहकारीको सोच छ । अगाडि बढ्न सकेको छैन् ।