नेकपा एमालेका प्रदेश कमिटी सदस्य एवं काष्ठ व्यवसायी गोकर्ण भट्टले आफ्नो फेसबुक वालमा विचार प्रस्तुत गरेका छन । उनले आफ्ना विचार प्रस्तुत गर्दै भनेका छन्– कुनै बिमारीलाई पटकपटक डाक्टरले सल्लाह दिन्छ बाच्न चाहानुहुन्छ भने रक्सी छोड्नुपर्छ , उसले बुझिसकेको हुन्छ कि रक्सी नै बिमारीको मुख्यकारण हो जसको कारण उसको शरीर जिर्ण र नष्ट हुदै गइरहेको छ तर पनि उसले रक्सी छोड्न सक्दैन अन्ततः भौतिक रुपमा नै जीवनको अन्त्य भएर जान्छ, शंकराचार्य बिरचित स्तोत्ररत्नावली चर्पटपँजिरिकास्तोत्रम्मा उल्लेख गरेको पाइन्छ । अनुचित,आपत्तिजनक काम र ब्यबहारमा लिप्त ब्यक्तिको अन्ततः दुर्दशा देखेर पनि आँखा खुल्दैन पश्चन्नपि च न पश्यति लोको ।
मानव रुपमा जीवात्मा आफ्नो विवेक सुझबुझ र सत्कर्मले सार्थक जीवन जिउन सक्ने मात्रै नभयर अरुका लागि पनि अनुकरणीय बन्नुका साथै आफ्नो भबिष्य सुधार्न सक्छ ।
आफुले जीवन सार्थक बनाउनका लागि शरीर स्वस्थ्य र मन प्रफुल्लित राख्नु जरुरी छ , शरीर रोगग्रस्त रहेर अथवा मस्तिष्क तनावग्रस्त अवस्थामा अध्यात्मवादको बाटोमा हिड्नेहरुकालागि समेत ध्यान पुजाअर्चना समर्पण र मनोयोगले हुन सक्दैन , फलदायी बनाउनका लागि समेत शारीरिक तन्दुरुस्ती , मानसिक एकाग्रता समर्पित र भद्र मनस्थिति आवश्यक छ दोश्रो कुरा मन र शरीर एकअर्काका परिपुरक हुन् , एउटा अस्वस्थ भएर अर्को स्वस्थ रहन सक्दैन ।
तन र मन एकअर्काका परिपुरक हुन ,एउटाको अनुपस्थितले उसको महत्त्व अर्थ रहने गर्छ डा. आँमस फुल्लरले भनेका छन् – राम्रो स्वास्थ्यको भूमिका त्यतिबेला महशुस हुन्छ जब उ बिरामी हुन्छ ।
सारा प्राणी जगत एउटा सामान्जस्यको सिध्दान्तमा टिकेको छ त्यसकारणले दिनदिनै स्वास्थ्य प्रति उदासीन नभयर सजग रहन जरुरी छ , यो उद्देश्यलाई अध्यात्मवादले धार्मिक दायित्वमा समेत जोडेको छ -शरीरम् हि धर्म खलु साधनम् ,अध्यात्मिक लक्ष्य प्राप्त गर्नकालागि पनि शरीर स्वस्थ्य रहन जरुरी छ , यसमा सतर्कता अपनायनौ भने अन्य कामहरू पनि हामी गर्न सक्दैनौ । स्वास्थ्य ठिक छैन भने धन- दौलत,ज्ञानबुध्दि,कौशल समझदारी सबै निस्प्रभावी हुन्छन् ।
मानिसको असली स्वरुप भनेको स्वस्थ्य शरीर हो, स्वस्थ्य शरिर तव रहन्छ जब हाम्रो जिवनशैली परिवर्तन गरि निरोगी बन्ने बाटोमा हिड्छौ,जीवन र जगतलाई बुझ्न सक्छौ,अस्पताल ओैषधि सार्थक जिवनका साधन हैनन्,सार्थक जिवनकालागि त खानपिन र जिवनशैली नै हो ।
