कैलालीको धनगढी उपमहानगरपालिका–१स्थित हिल वल्र्ड ईङ्गलिस वोर्डिङ हाई स्कुलको स्थापना २०६१ बैशाख २ गते भएको थियो । स्थापनाको बर्ष ३५ जना विद्यार्थीबाट अध्यापन शुरु गरेको स्कुलले अहिले साढे पाँच सय देखि ६ सय विद्यार्थी अध्यापन गराईरहेको छ । सो स्कुलले २१ आँै शताब्दीको यो प्रतिस्पर्धात्मक युगमा शिक्षा क्षेत्रमा कस्तो फट्को मादैृ छ र गुणस्तरिय शिक्षा लगाएतका बिषयमा स्कुलका प्रिन्सिपल डिआर शर्मा संग गरेको कुराकानी प्रस्तुत गरिएको छ ।

अहिले स्कुलको अबस्था के  छ ?
हिल वल्र्ड ईङ्गलिस वोर्डिङ हाई स्कुलको स्थापना २०६१ बैशाख २ गते भएको हो । स्थापनाको बर्ष ३५ जना विद्यार्थीबाट अध्यापन शुरु गरेको स्कुलले अहिले साढे पाँच सय देखि ६ सय विद्यार्थी अध्ययनरत छन । आवासमा पनि ३५ जना विद्यार्थीहरु छन । पहाडी क्षेत्रबाट आएका विद्यार्थीहरुलाई सन्तुलित भोजन सहित निम्न शुल्कमा मैले राखेको छु ।

मेरो ३० बर्षको शिक्षण पेशाको अनुभब हुदै जादा यो २१ र्औ शताब्दीको प्रतिस्पर्धात्मक युगमा अझै शिक्षलाई प्रखर बनाउनु पर्छ र बिद्यार्थी लाई गुणस्तरीय शिक्षा दिनु पर्छ भन्ने मलाइृ लाग्यो र सोही अनुसार अनुभव बटुल्न मैले बिदेशका मंगोलिया,सिंगापुर,थाइल्याण्ड,अमेरिका,क्यानडा लगायत देशमा गएर त्यहाँका विद्यालयको पठनपाठनको अवस्थाको बारेमा बुझने मौका पाएको छु ।

त्यहाका बिद्यालयले कोर्ष कसरी अगाडि बढाइरहेका छन् , विद्यार्थीलाई होमर्क दिने कुराका विषयमा बुझने मौका पनि पाइृयो । त्यहाँका शिक्षकसँग व्यापक छलफल गरेर शिक्षण सामाग्रीका बिषयमा पनि गहन छलफल गरि आएको छु । र त्यही कुरा मैले मेरो विद्यालयको पिजी र नर्सरीमा केही सामग्री राखेको छु ।

यस विद्यालयबाट अध्ययन गरेर गएका विद्यार्थीहरु राम्रो हस्पिटलमा डक्टर रहेका छन् । १५ देखि २० जना एमबीबीएस पढेर गएका छन् । दुई जना मेडिकल अफिसर हुनुहुन्छ । चार जना अझै पढिरहेका छन् ।

भारतको पञ्जावका युनिभर्सिटी,चण्डिगढ युनिभर्सिटीमा पढ्दै छन् । उच्च शिक्षाका लागि बिदेशका राम्रा प्लेटफर्ममा अध्ययनरत छन् । पक्कै पनि मैले अभिभावकले सोचे अनुसार नै पढाइ रहेको छु भन्ने लाग्छ ।

म सदैव राम्रो गुणस्तरीय शिक्षा दिइरहने छु , र दिएको अबस्था छ । हामीले जुन योजनाबद्ध तरिकाले टिम खडा गरेर,तालिम दिएर शिक्षक पेशामा आवद्ध गराएका छौँ । हाम्रो यो विधि प्रकृया,जनस्तरसम्म पु¥याउनका लागि पनि पत्रकारको अहम भूमिका रहने कुरा अवगत गराउँछु ।
यस स्कुलको प्राविधिक शिक्षा र गुणस्तरीय शिक्षा के कस्तो रहँदै आएको छ ?
प्राविधिक शिक्षालाई नै टेकेर नै गुणस्तरीय शिक्षा दिनुपर्छ । गुणस्तरीय शिक्षा दिनका लागि प्राविधिक शिक्षालाई कहिँ न कहिँ हामीले हातेमालो गर्नुपर्छ । त्यतिले मात्र अझै पूर्ण हुँदैन् ।

अहिलेको शिक्षा प्रतिष्पर्धात्मक छ । त्यसैले गर्दा निजी विद्यालयबाट पढाइ गरेर गएको विद्यार्थीहरु २०८० सालमा नेपाल मेडिकल काउन्सिलबाट छात्रवृतिमा गएका विद्यार्थीहरु बढी मात्रामा पास भएर गएका छन् ।

के कारणले गएका छन् भन्दा गुणस्तरीय शिक्षाले नै गएका छन् भन्ने मलाइृ लागेको छ । त्यसैले क्वालिटी एजुकेशन अहिलेको आवश्यकता हो त्यसै अनुरुप हामी अघि बढिरहेका छौँ ।

स्कुलको थप योजना  ?
अहिले नेपालका विद्यार्थीहरु बिग्रेको अनुशासन नभएको जनमानसमा छ । त्यस्ता विद्यार्थीहरुलाई अनुशासन र संस्कारको आवश्यकता छ । हाम्रो विद्यालयको पहिलो प्राथमिकता संस्कार र अनुशासित गराएर लग्ने हो । संस्कारलाई सार्वजनिक महत्व राखेर अगाडि बढाउने हाम्रो प्रमुख योजनामा रहेको छ ।

भोलि वार्षिकोत्सव हुँदै छ । के के कार्यक्रम छन् ?
भोलि हाम्रो विद्यार्थीहरुले गरेका क्रियाकलापहरुमा पहिलो,दोस्रो भएकालाई वार्षिकोत्सवमा पुरस्कृत गर्ने कार्यक्रम रहेको छ । हामीले छ सय जना विद्यार्थीलाई पुरस्कृत गर्दैछौँ ।

पढाइमा मात्र सीमित नराखेर बहुआयामिक व्यक्तित्व बनाउनका लागि हामीले क्रिकेट,भलिवल,फुटवल,गीतका क्रियाकलापहरु गरेका थियौँ । त्यसमा प्रथम,दोस्रो भएकालाई सो पुरस्कार वितरण गर्दै छौँ । हामीले १५ जना अभिभावकलाई विद्यालयको स्थापनाकालबाट सहयोग गरेकालाई पनि पुरस्कृत गर्दै छौँ ।

लामो समयदेखि शिक्षण पेशमा आवद्ध भइ योगदान गरेका शिक्षकलाई पनि पुरस्कृत गर्दैछौँ । पूर्व शिक्षकलाई बोलाएर पनि सम्मान गर्ने कार्यक्रम रहेको छ ।