कैलालीको धनगढीस्थित नाष्ट कलेज २०५७ साल स्थापना भएको हो । यस कलेजले स्नातक र स्नातकोत्तर तहमा विभिन्न कार्यक्रम सञ्चालन गर्दै आएको छ । यो २०७८ सालमा विश्वविद्यालय अनुदान आयोगबाट क्वीएए प्राप्त कलेज पनि हो । यसै कलेजका प्रिन्सिपल डा.प्रेमबहादुर चन्दको कुराकानीमा आधारित विचार प्रस्तुत गरिएको छ ।

यस कलेजको स्थापना २०५७ सालमा स्नातक तहमा एउटामात्रै कार्यक्रम व्याचलर अफ कम्प्युटर इन्जिनियरिङबाट सुरु भइ हाल यस कलेजमा स्नातक तहमा चार वटा कार्यक्रमहरु छन् । स्नातक तहमा व्याचलर अफ कम्प्युटर इन्जिनियरिङ, व्याचलर अफ कम्प्युटर एप्लिकेशन,बिबीए र बिए सिभिल तथा स्नातकोत्तर तहमा व्यवस्थापन संकाय अन्तरगत एमबिए कार्यक्रम गत वर्षबाट सुरु गरेका छौँ ।

आदरणीय अभिभावक तथा विद्यार्थी भाइबहिनीलाई आगामी शैक्षिक यात्रा नाष्ट कलेजबाट सुरु गर्न चाहानुहुन्छ भने स्नातक तहमा यी चार वटा कार्यक्रमहरु हामीसँग उपलब्ध रहेका हुनाले कलेजमा सम्पर्क गरि आफ्नो भविष्य सुनिश्चित गर्नहुन अनुरोध गर्दछु ।

यो कलेजले २०७८ सालमा विश्वविद्यालय अनुदान आयोगबाट क्वीएए प्राप्त गरि पोखरा विश्वविद्यालय अन्तरगत एफिलेटेड कलेजहरुमा पहिलो क्वीएए सर्टिफाइड हुन सफल भएको छ । गत वर्षदेखि नेपाल इन्जिनियरिङ कलेजबाट स्थायी स्वीकृति प्राप्त गरि नेपालमा सञ्चालित इन्जिनियरिङ कलेजमध्ये थोरै कलेजहरुमा स्थायी स्वीकृति प्राप्त गर्ने कलेजहरुमध्ये पर्दछ ।

विभिन्न मापदण्डहरुमा आफूलाई उत्तीर्ण गर्दै बिगत २५ वर्षदेखि हामी यहाँहरु माझ स्थापित छौँ । आफ्ना नानीबावुहरुलाई ढुक्कसँग यहाँ अध्ययन अध्यापन गराउन हुन म आदरणीय अभिभावक ज्यूहरुलाई अनुरोध गर्दछु ।

यस कलेजमा अध्ययन अध्यापन गर्दाखेरी खाली शैदान्तिक कुरालाई भन्दा पनि अभ्यासमा बढी जोड दिइने गरेको छ । सबै कार्यक्रमहरु प्राक्टिकल आरेन्टेड र रोजगारमूलक छन् । विद्यार्थीलाई कक्षामा मात्रै सीमित गरेर अध्यापन गराउन खोज्यौँ भने यी कार्यक्रमहरुको उदेश्य परिपूर्ति हुँदैन् ।

प्रयोगशाला हुने बिषयको प्रयोगशालामा गराउने भयौँ । धेरै जसो फिल्ड वेस्ड छन् । सिभिल इन्जिनियरिङमा धेरै जसो काम फिल्डमा गएर,साइडहरुमा गएर अध्ययन,अवलोकलनबाट धेरै कुराहरु जानकारी लिनु पर्ने भएकोले हामीले साइड भिजिट पनि गराउँछौँ । बिबिएको ल्याव भनेको मार्केट हो हामीले लगभग सबै बिषयहरुमा बजारका गतिविधिहरु के कस्तो छन्,बजारको अवस्था कस्तो छ यो सबै कुराहरु बजारका विभिन्न संस्थाबाट डाटा कलेक्सन,तीनीहरुलाई विश्लेषण गरेर विद्यार्थीहरुको सीप विकासमा हामीले विशेष जोड दिने गरेका छौँ ।

जियोलोजी सम्बन्धी थप जानकारीका लागि हामीले विद्यार्थीहरलाई धादिङको मलेखुमा तीन दिनको अवलोकन भ्रमण गराउने गर्दछौँ । यसरी गुणस्तरमा कुनै पनि सम्झौता नगरी विद्यार्थीहरुलाई दिनुपर्ने सबै व्यवहारिक ज्ञान पर्याप्त मात्रा दिएका छौँ भन्ने हामीलाई लागेको छ र विद्यार्थीहरु पनि यसबाट सन्तुष्ट नै हुनुहुन्छ ।