धनगढी। धनगढी उपमहानगरपालिकाको आयोजनामा १६औँ राष्ट्रपति रनिङ शिल्ड प्रतियोगिता२०८२आजदेखि सुरु भएको छ। ुस्वास्थ्यका लागि खेलकुद, नगरका लागि खेलकुदु भन्ने नारासहित सुरु भएको प्रतियोगितामा २६ सामुदायिक र २० संस्थागत विद्यालय सहभागी रहेका छन्।
माघ ४ गतेदेखि सुरु भएको प्रतियोगिता माघ ८ गतेसम्म सञ्चालन हुनेछ। धनगढी रङ्गशालामा आयोजित उद्घाटन समारोहमा बोल्दै उपमहानगरपालिकाका नगर प्रमुख गोपाल हमालले खेलकुद जित-हारमा मात्र सीमित नभई स्वास्थ्य र जीवनशैलीसँग जोडिनुपर्ने बताए।
मेयर हमालले भने, ुखेलकुद जित्नका लागि मात्रै होइन, स्वस्थ जीवनका लागि खेल्नुपर्छ। खेलकुद सधैँको लागि हुनुपर्छ। उनले आगामी दिनमा खेलकुद मैदान निर्माणमा उपमहानगरपालिका प्रतिबद्ध रहेको उल्लेख गर्दै स्थान सुनिश्चित गर्न सबै विद्यालय र विद्यार्थीलाई सचेत रहन आग्रह गरे। खेलकुद विद्यार्थीका लागि मात्रै होइन, सबैका लागि आवश्यक छ,ु उनको भनाइ थियो।
उद्घाटन समारोहमा उप(प्रमुख कन्दकलाकुमारी रानाले खेल र खेलाडीको दीर्घकालीन विकासका लागि उपमहानगरपालिका सधैँ साथमा रहेको बताइन्। उनले खेलकुदले अनुशासन, नेतृत्व र सकारात्मक सोच विकास गर्ने उल्लेख गर्दै विद्यार्थीलाई खेलमा सक्रिय सहभागिता जनाउन आग्रह गरिन्।
वडा नम्बर १ का अध्यक्ष सन्तोष मुडभरीको अध्यक्षतामा भएको कार्यक्रममा उप-प्रमुख रानाले प्रतियोगिताको उद्घाटन गरेकी हुन।
प्रतियोगितामा सामुदायिक विद्यालयका एक हजार १८६ तथा संस्थागत विद्यालयका ४४७ जना खेलाडी विद्यार्थीले भाग लिने छन्।
प्रतियोगितामा एथलेटिक्स, सामूहिक तथा व्यक्तिगततर्फ ६ वटा विधामा ५२ वटा इभेन्ट हुने छन्।
उद्घाटन समारोहमा उपमहानगरपालिकाका जनप्रतिनिधि, कर्मचारी, विद्यालयका शिक्षक विद्यार्थी लगायत सरोकारवालाहरूको उपस्थिति रहेको थियो।
