धनगढी। धनगढीस्थित चटकपुरमा रहेको होटल पौवाको दशौँ वार्षिक उत्सवको अवसरमा सञ्चालन भइरहेको ‘स्वाद उत्सव’ मा सुदूरपश्चिम प्रदेश सभा सदस्य धर्मराज पाठक सहभागी भएका छन्।
होटल पौवाले आयोजना गरेको उक्त स्वाद उत्सव २६, २७ र २८ गतेसम्म सञ्चालन हुने छ। उत्सवमा नेपाली रैथाने परिकारहरू विशेष रूपमा पस्किँदै आएका छन्, जसले स्थानीय स्वाद र संस्कृति प्रवर्द्धनमा टेवा पुर्‍याएको छ।
आज उत्सवमा पुगेका प्रदेश सभा सदस्य पाठकले रैथाने परिकारको स्वाद चाख्दै आयोजकलाई धन्यवाद व्यक्त गरेका छन्। उनले होटल पौवाले नयाँ स्वाद प्रस्तुत गर्नुका साथै रैथाने परिकारको संरक्षण र प्रवर्द्धनमा जोड दिएको प्रति प्रशंसा गरे।
उनले यस क्षेत्रको पर्यटन विकासका लागि आतिथ्य (हस्पिटालिटी) व्यवसायको महत्वपूर्ण भूमिका रहने उल्लेख गर्दै यस्ता कार्यक्रमहरूले पर्यटन प्रवर्द्धनमा सकारात्मक योगदान दिने विश्वास व्यक्त गरे।
साथै, उनले होटल पौवाको स्वाद उत्सव सफलताको शुभकामना व्यक्त गरेका छन्।