धनगढी । भोटेकोशी क्षेत्रमा आएको बाढीबाट प्रभावित परिवारको सहयोगका लागि चैतन्य परिवारले सञ्चालन गरेको अभियानबाट हालसम्म २ लाख ५१ हजार ९५६ रुपैयाँ संकलन भएको छ ।
विपद्को समयमा पीडित परिवारलाई सहयोग गर्ने उद्देश्यले सुरु गरिएको अभियानमा चैतन्य पाठशालाका शिक्षक, कर्मचारी, विद्यार्थी तथा काठमाडौं र बुटवलमा रहेका चैतन्य परिवारका सदस्यहरूले उत्साहजनक सहभागिता जनाएका छन् ।
अभियानअन्तर्गत पहिलो चरणमा १ लाख ११ हजार १११ रुपैयाँ सहयोग गरिएको थियो । दोस्रो चरणमा थप १ लाख ४० हजार ८४५ रुपैयाँ संकलन भएको चैतन्य परिवारले जनाएको छ ।
दोस्रो चरणमा शिक्षक तथा कर्मचारीबाट ८४ हजार ३८४ रुपैयाँ, विद्यार्थीबाट ३० हजार ७६६ रुपैयाँ, काठमाडौंस्थित सदस्यहरूबाट १६ हजार ८९५ रुपैयाँ र बुटवलबाट ८ हजार ८०० रुपैयाँ संकलन भएको हो ।
यसरी दुई चरणमा गरी भोटेकोशी बाढीपीडितका लागि चैतन्य परिवारको कुल सहयोग रकम २ लाख ५१ हजार ९५६ रुपैयाँ पुगेको छ ।