धनगढी । कैलालीबाट लागूऔषधसहित तीन जना पक्राउ परेका छन् ।
भजनी नगरपालिका-३ कुसुमघाटबाट खैरो हेरोइनजस्तो देखिने पदार्थ १ ग्राम ५० मिलिग्राम, PROXIOHMSPAS नामक २८ वटा क्याप्सुल र N10 नामक २८ वटा ट्याब्लेटसहित दुई जना पक्राउ परेका हुन् ।
शुक्रबार लु.प्र.०१–०१५ प ४७८९ नम्बरको मोटरसाइकलमा सवार उनीहरूलाई प्रहरी चौकी जनकपुरबाट खटिएको टोलीले शङ्का लागेर जाँच गर्ने क्रममा उक्त पदार्थसहित टीकापुर नगरपालिका-५ का २२ वर्षीय रोशन सार्कीसहित दुई जनालाई पक्राउ गरिएको प्रहरीले जनाएको छ ।
यस्तै, धनगढी उपमहानगरपालिका-४ चटकपुरबाट ब्राउनसुगरजस्तो देखिने पदार्थ १२७ मिलिग्रामसहित डोटीको जोरायल गाउँपालिका-२ का २५ वर्षीय अमरबहादुर कुँवर पक्राउ परेका छन् ।
शुक्रबार अस्थायी प्रहरी पोष्ट चटकपुरबाट खटिएको प्रहरी टोलीले शङ्का लागेर जाँच गर्ने क्रममा उनलाई उक्त पदार्थसहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।
