धनगढी । सुदूरपश्चिमेली नेपाली समाजको चौथो महाधिवेशन भोलि शनिबार धनगढीमा आयोजना हुने भएको छ ।समाजले आज धनगढीमा पत्रकार सम्मेलन गर्दै महाधिवेशनबारे जानकारी दिएको हो ।
विभिन्न राष्ट्रबाट आज प्रतिनिधि आउने र समाजकोे विधान,आर्थिक प्रतिवेदन लगायतका बारेमा आजनै छलफल हुने समाजको अध्यक्ष शेरबहादुर रावतले जानकारी दिए ।
उनका अनुसार धनगढी होटल पौवामा हुने महाधिवेशनको उद्घाटन सुदूरपश्चिमका मुख्यमन्त्री खगराज भट्टले गर्नेछन् ।
समाजका संरक्षक धनबहादुर बलायरले विभिन्न राष्ट्रमा छरियर बसेका,रोजगारी तथा शिक्षा आर्जनका शिलशीलामा विदेशियका नेपालीलाई आइपर्ने समस्या समाधान लगायतका कामका लागि समाजको स्थापना गरिएको बताए ।
उनले समाजले स्वास्थ्य शिविर सञ्चालन गर्ने,बाढीपीडितलाई सहयोग गर्ने लगाययतका कार्य गर्दै आएको बताए । उनका अनुसार सुदूरपश्चिमेली समाजका शाखा विभिन्न २९ राष्ट्रमा गठन गरिएका छन् ।
समाजका प्रथम उपाध्यक्ष धर्मराज पाण्डेयले भने समाजले विभिन्न देशमा यहाँका चाडपर्व गौरा,नयाँ वर्ष,माघी जस्ता पर्वहरु मनाउँदै आएको बताए ।
त्यस्तै,समाजले सुदूरपश्चिमका विभिन्न जिल्लाका विभिन्न विद्यालयमा छात्राहरुलाई छात्रवृति प्रदान गर्दै आएको बताउँदै विद्यालयमा कम्प्युटर सम्बन्धी समाग्री पनि वितरण गर्दै आएको बताए । महाधिवेशनले नयाँ कार्यसमिति चयन गर्नेछ ।
