धनगढी- विगतदेखि नै काठमाडौंबाट सञ्चालन भइरहेको एशियन व्यवस्थापन कलेज कैलालीको धनगढीमा स्थानान्तरण भएको छ । कलेज धनगढी उपमहानगरपालिका वडा नम्बर ४ बाट सञ्चालनमा ल्याइएको शनिबार पत्रकार सम्मेलन गर्दै कलेजले जनाएको छ ।
त्रिभुवन विश्वविद्यालयबाट सम्बन्धन प्राप्त कलेजले यसै शैक्षिक सत्रदेखि स्नातक तहमा भर्ना लिन पनि सुरु गरिएको कलेजका अध्यक्ष रमेश पन्तले बताए । गुणस्तरीय तथा रोजगारमूलक शिक्षा प्रदानको लागि कलेजको स्थापना गरिएको उनले बताए ।
‘शिक्षासहितको रोजगार, उज्वल भविश्यको आधार’ भन्ने मुल नारासहित सञ्चालनमा आएको कलेजले अहिले सुरुवातमा बीए, बीएसडब्लु र बीबीएस विषय अध्यापने गराउने जनाएको छ ।
