धनगढी- कैलाली निर्वाचन क्षेत्र नम्बर ५ ‘ख’ बाट प्रदेशसभा सदस्य उम्मेदवार प्रकाशबहादुर देउवाले गठबन्धन दलका उम्मेदवारका जित सुनिश्चित भएको बताएका छन् ।
बुधबार धनगढीमा युवाहरुलाई सम्बोधन गर्दै उनले यस्तो बताएका हुन् । धनगढीमा काँग्रेस त्यसै पनि बलियो रहेको भन्दै उनले अहिले पाँच दलीय गठबन्धन हुँदा जित ुसुनिश्चित भएको बताएको बताए ।
उनले धनगढी ५ मा सरकार चलाइसकेका दलका असक्षम उम्मेदवार र स्वतन्त्रका नाममा आएका उम्मेदवारलाई मत दिएर खेर नफाल्न आग्रह गरे । नेकपा एमालेलाई इङ्गित गर्दै उनले भने, ‘यसअघि सरकार सञ्चालन गरेका दलका असक्षम उम्मेदवारलाई मत दिएर आफ्नो मत खेर नफाल्नुहोला,’ उनले भने, ‘आफ्नो मत सहि रुपमा सदुपयोग गर्न आवश्यक छ ।’ धनगढीको विकासका लागि गठबन्धनका उम्मेदवारलाई जिताउन अपरिहार्य रहेको उनले बताए ।
कैलाली क्षेत्र नम्बर ५ प्रतिनिधि सभा उम्मेदवार र प्रदेश (क) र (ख) मा गठबन्धनका उम्मेदवारलाई मत दिन आग्रह गरे । उनले कैलाली ५ सहित देशभर गठबन्धनका उम्मेदवारको जित हुने बताए ।
