धनगढी – यूएईको शारजहास्थित फाइभस्टार होटल ‘सेराटन शारजहा रिपोर्ट एन्ड स्पा’ मा एसपीए कलेज धनगढीमा बीएचएम अध्ययनरत विद्यार्थीले रोजगारीको अवसर पाएका छन् ।

विष्ट मङ्गलवार नै यूएई प्रस्थान गरेका छन् । बीएचएमका कमल विष्टले उक्त होटेलमा एक वर्षका लागि पेड इन्टर्नसिप९तलबसहित०को अवसर पाएका हुन् । कलेजले उनलाई १ वर्षका लागि उक्त अवसर जुटाई दिएको हो ।

उनीहरूले उक्त अवधिमा फाइभ स्टार होटलमा सर्भिसको अनुभव लिनुका साथै आम्दानी पनि गर्नेछन् । इन्टनसीप अवधि सकिए लगत्तै उनीहरूले उक्त होटलमै काम गर्न समेत पाउनेछन् । उनीहरूसँग पाँचतारे होटेलमै काम गरेको अवसर हुने भएकाले चाहेको खण्डमा अरू देशका अन्य लक्जरिएस होटेलमा आकर्षक तलब सुविधासहित काम गर्ने अवसर पाउनेछन् ।

यसअघि पनि एसपीमा बीएचएम अध्ययनरत विद्यार्थीहरूले दुबई, मलेसिया, कतार, बहराइन भारत तथा नेपालकै फाइभस्टार होटलहरुमा रोजगारीको अवसर पाइसकेका छन् ।

यसअघि पनि एसपीएका विद्यार्थीहरू दुबईको विश्वप्रशिद्ध पाँच तारे होटल ‘द मेरियट्स मार्किस’, बहराइनको विश्वप्रशिद्ध पाँचतारे होटल क्राउन प्लाजा एचजीमा, कतार, मलेसिया, भारत, माल्दिभ्सलगायत नेपालका विभिन्न होटलहरुमा कार्यरत छन् ।

एसपीएका क्याम्पस प्रमुख योगराज उपाध्यायले विधार्थी विष्टलाई आगामी जीवनको शुभकामना दिदैँ एसपीएले अध्ययन सँगसँगै विद्यार्थीहरूको भविष्यको पनि सुनिश्चितता गरिदिने बताए ।

‘हामीले विद्यार्थीलाई संस्कार र अनुशासनयुक्तसँगसँगै पसिना र कर्ममा विश्वास गर्ने बनाउँछौँ,’ क्याम्पस प्रमुख उपाध्यायले भने, ‘सोही कारण हाम्रा विद्यार्थीहरू दुबई, बहराइन, भारत, नेपालका होटलहरुमा इन्टर्नका रूपमा काम गर्दागर्दै राम्रो आम्दानी पनि गरिरहेका छन् । यो उनीहरूको भविष्य सुनिश्चित भएको आधार पनि हो ।’
सुदूरपश्चिममा त्रिभुवन विश्वविद्यालयबाट सम्बन्धन प्राप्त बीएचएमको सबैभन्दा ठुलो कार्यक्रम एसपीएमामात्रै छ । सुदूरपश्चिममा बीएचएमका लागि आफ्नै छुट्टै आधुनिक सम्पूर्ण स्रोत साधानयुक्त ल्याब, किचेन, बेकरी, बार, रेस्टुरेन्ट, हाउस किपिङ भएको एक मात्रै शैक्षिक संस्था एसपीए हो ।

बीएचएम अध्ययन गर्न चाहने विद्यार्थीले सि–म्याट९प्रवेश परीक्षा० दिनुपर्छ । डिम्याटका लागि अहिले फाराम खुलेको छ ।

जुनसुँकै संकायबाट आएका विद्यार्थीले पनि बीएचएम पढ्न पाउँछन् । हरेक विषयमा १।८ वा डी प्लस जिपिए आएको हुनुपर्छ । त्रिविको छात्रवृत्ति, प्रवेश परीक्षा टप गर्ने, गरिब जेहेन्दार विद्यार्थीलाई पनि क्याम्पसले छात्रवृत्तिको व्यवस्था छ ।

झन्डै ३५ सय विधार्थी अध्ययनरत एसपीए सुदूरपश्चिमकै अग्रणी शैक्षिक संस्था हो । एसपीमा स्नातकोत्तर तहमा एमएड, एमबीएस, स्नातक तहमा बीए, बीबीएस, बीएड, बीएचएम, बीआईएम, एकवर्षे बीएड तथा प्लस टूमा विज्ञान, व्यवस्थापन, शिक्षा, मानविकी, कानुन, होटल म्यानेजमेन्ट, आमसञ्चार र पत्रकारिता विषयमा अध्ययन अध्यापन हुँदै आएको छ ।

कलेजमा पूर्ण रूपमा मल्टिमिडियायुक्त कक्षाकोठाहरु छन् । सबै कोठामा सिसी टिभी क्यामेरा जडान गरिएका छन् । आधुनिक कम्प्युटर तथा विज्ञान प्रयोगशालामा विधार्थीहरुलाई प्रशिक्षित गराइन्छ ।

टाढाबाट आउने विधार्थीका लागि कलेजले बसको व्यवस्था गर्नुका साथै होस्टेलको समेत व्यवस्था गरेको छ । विभिन्न १५ वटा क्लबहरु गठन गर्दै विद्यार्थीहरू अतिरिक्त क्रियाकलापमा सहभागिता जनाउँछन् । कलेजमा ८ जना अन्तर्राष्ट्रिय क्रिकेट खेलाडीमात्रै अध्ययन गरिरहेका छन् । त्यसबाहेक अन्य खेलका अन्तर्राष्ट्रिय खेलाडीका लागि पनि कलेजले छात्रवृत्तिको व्यवस्था गरेको छ ।