धनगढी, वैशाख ५
कैलाली बहुमुखी क्याम्पसका पूर्व स्ववियु सदस्य सन्तोष कुँवर वडा सदस्य पदका लागि सिफारिस भएका छन् । उनी धनगढी उपमहागनरपालिका वडा नम्बर ५ बाट वडा सदस्य पदका लागि सिफारिस भएका हुन् ।
काँग्रेसको वडा समितिले उम्मेदवार छनोटका क्रममा कुँवरको नाम पनि वडा सदस्य पदका लागि सिफारिस गरेको हो । वडा समितिले उनीसहित १४ जनाको नाम सिफारिस गरेको छ ।
अछामको साँफेबगर नगरपालिका–१ मा काँग्रेसी पारिवारिक पृष्ठभूमिमा जन्मिएका कुँवरको राजनीतिक यात्रा २०६२/६३ को आन्दोलनदेखि नै सुरु भएको थियो । सानै उमेरदेखि काँग्रेसको राजनीतिमा सक्रिय हुँदै आएका कुँवरले आफूलाई पार्टीले उम्मेदवारका रुपमा अगाडि सार्ने विश्वास व्यक्त गरे ।
जनप्रतिनिधि भएर जनअपेक्षा अनुसार काम गर्ने आफ्नो ठूलो धोको रहेको उनी बताउँछन् ।
