धनगढी- धनगढीमा बिन्तीपत्र डटकम अनलाइन सञ्चालनमा ल्याइएको छ । बुधबारदेखि सञ्चालनमा ल्याइएको बिन्तीपत्र डटकमको कार्यालयसमेत उद्घाटन गरिएको छ ।
बुधवार एक कार्यक्रमकाबीच नेपाल पत्रकार महांसघ कैलालीका शाखाका अध्यक्ष हिमालय जोशीले कार्यालयको उद्घाटन गरेका हुन् । कार्यालयको उद्घाटनमा बोल्दै अध्यक्ष जोशीले प्रविधिको विकाससंगै अनलाइन पत्रकारिताको सम्भावना बढ्दै गइरहेका बेला सञ्चालनमा आएको अनलाइनले आम नागरिकलाई सत्यतथ्य समाचार प्रवाहमा थप बल पुग्ने विश्वास व्यक्त गरे ।
उनले अनलाइनको प्रगतिको शुभकामना व्यक्त गरे । बिन्तीपत्र डटकम अनलाइन धनगढीमा क्रियाशिल पत्रकारहरुको समूहले सञ्चालनमा ल्याएको हो ।
