धनगढी- कैलालीका उद्योगी व्यवसायीले बैंकमा पैसा जम्मा नगरेर विरोध जनाएका छन् । बैंकको चर्को व्याजदरविरुद्ध आन्दोलनरत उनीहरुले बिहीवार बैंक तथा बित्तीय संंस्थामा पैसा जम्मा नगरेर विरोध जनाउने भएका हुन् ।
उनीहरूले धनगढीको चटकपुरदेखि पार्कमोडसम्म विरोध र्याली गरेका थिए । विरोध प्रदर्शनमा उनीहरूले व्यवसायीमाथिको आतङ्क बन्द गर, बैङ्कको ब्याजदरमा एकरूपता कायम गर, व्यवसायीमाथिको व्यापार बन्द गर लगायतका नाराहरू लगाइएको थियो ।
विरोधपछि कोण सभामा बोल्दै पत्रकार मंहासघ कैलाली शाखाका अध्यक्ष हिमालय जोशीले बैंकको चर्को व्याजका कारण सम्पूर्ण नेपालीहरु मारमा परेको बताए । राज्यले यसको छिटो भन्दा छिटो समयाहरु सम्बोधन गर्न आवश्यक रहेको र पत्रकारीताका तर्फबाट यस आन्दोलनमा एकेबधता जनाउन तयार रहेको उनले बताए ।
कैलाली उद्योग वाणिज्य संघका वरिष्ठ उपाध्यक्ष पुष्कराज ओझाले नेपाल उद्योग वाणिज्य महासंघले आफूहरुको आन्दोलनमा एेक्यबद्धता जनाउन नसके सुदूरपश्चिमबाट देशभर आन्दोलनको आँधिबेरी ल्याउने चेतावनी दिए । बैंकको चर्को व्याजदरका विरुद्ध पटक–पटक आन्दोलन लगायत सरकारलाई ज्ञापनपत्र समेत बुझाउदा समेत आफूहरुको माग सम्बोधन नभएपछि आन्दोलन गर्न बाध्य भएको उनले बताए ।
उनले राष्ट्रपतिको चुनावपछि आन्दोलनका कार्यक्रमको स्वरुप परिवर्तन गरेर थप सशक्त र कडा बनाउने बताए । बैंकले ब्याजदर बढाएपछि पेशाबाटै पलायन हुनुपर्ने अवस्था आएको भन्दै विगत केही दिनदेखि व्यवसायी आन्दोलनरत छन् । उनीहरु दैनिक दुई घण्टा व्यापार बन्द गरेर आन्दोलन गरिरहेका छन् ।
बैङ्क तथा वित्तीय संस्थाले एकैचोटी ब्याजदर बढाएर १७ प्रतिशसम्म पु¥याएपछि समस्यामा परेको व्यवसायीहरुले बताएका छन् । सात÷आठ प्रतिशत लिइँदै आएको ब्याजदर दोब्बर पर्याएपछि चर्को ब्याजले गर्दा व्यवसाय नै धरासयी भएको उनीहरुको भनाइ छ ।
उद्योगी व्यवसायीहरुको आन्दोलन अन्तर्गत शुक्रबार (भोलि) विहान ट्राफिक चौराहदेखि र्याली निकाल्दै मुख्यमन्त्री कार्यालय अगाडि आएर धर्ना दिने कार्यक्रम रहेको कैलाली उद्योग वाणिज्य संघ कैलालीका अध्यक्ष पुष्पराज कुँवरले बताए ।
