काठमाडौं- नेपाली कांग्रेस उपसभापति पूर्णबहादुर खड्काको नेतृत्वमा सरकारमा सहभागी हुने भएको छ । पार्टी सभापति शेरबहादुर देउवाको आग्रहमा खड्काले पार्टीबाट सरकारमा नेतृत्व गर्ने भएका हुन् ।
यस्तै, कांग्रेसले तय गरेको मन्त्रीहरुमा डा. प्रकाशशरण महत, सिता गुरुङ, दीपक खड्का, किशोरसिंह राठोर, जीवन परियार, तेजुलाल चौधरी रहेका छन् । शंकर भण्डारी पनि मन्त्री बन्नेको लिष्टमा छन् । खड्काले उपप्रधान एवम् रक्षामन्त्रीको नेतृत्व सम्हाल्नेछन् । डा। महतले भने अर्थमन्त्रालयको नेतृत्व लिने भएका हुन् ।
दीपक खड्का भने उर्जामन्त्री बन्ने पक्का रहेको कांग्रेसनिकट उच्च स्रोतको दाबी छ । आज विहान प्रधानमन्त्री पुष्पकमल दाहालले कांग्रेस सभापति शेरबहादुर देउवासँग मन्त्रिपरिषद्लाई पूर्णता दिनेबारे छलफल गरेका थिए । सो छलफलमा देउवाले पार्टीबाट सरकारमा सहभागी हुनेहरुको नाम प्रस्ताव गरेका थिए ।
