धनगढी– नेपाल उद्योग वाणिज्य महासंघ चुनाव नजिकिएसंगै कैलाली उद्योग वाणिज्य संघका अध्यक्ष पुष्पराज कुँवर भाेट माग्नदेखि भेटघाटमा व्यस्त देखिएका छन् ।
जिल्ला र नगरको (खुल्लातर्फ) बाट महासंघको केन्द्रीय कार्यकारिणी समिति सदस्यमा उम्मेदवारी घोषणा गरेपछि अध्यक्ष कुँवरले काठमाडौंमा देशभरका उद्योगी व्यवसायीहरूलाई भेटघाट गर्दै भाेट माग्नमा व्यस्त देखिएका हुन् ।
कुँवरले जिल्लाका उद्योग वाणिज्य संघका अध्यक्षलगायत उद्योगी व्यवसायीहरूलाई भेटेका छन् । कुँवरले दैनिक सय बढी उद्योगी व्यवसायीसंग भेटघाट गर्दै महासंघको चुनावमा सहयोग गर्न आग्रह गरेका हुन् ।
यही १५ गते धनगढीबाट चुनावी अभियान सुरू गरेर देश दौडाहामा निस्केका कुँवरले कोशी, मधेश, बागमती, लुम्बिनी र गण्डकी प्रदेशका जिल्लाहरूमा पुगेर त्यहाँका विभिन्न जिल्ला र प्रदेशका अध्यक्षसहित उद्योगी व्यवसायीहरुसंग भेटघाट गरेका थिए ।
महासंघको ५७ औँ चुनावी साधारण सभा यही चैत्र २८ र २९ गते हुँदैछ ।
