काठमाडौं– निर्वाचन आयोगले बैशाख १० गते हुने उपनिर्वाचनमा सरकारी निकायबाट जारी भएको परिचय खुल्ने प्रमाण पत्र भएमा मतदान गर्न पाइने बताएको छ। आयोगले सोमबार एक विज्ञप्ति जारी गर्दै उक्त कुरा उल्लेख गरेको हो।

‘प्रतिनिधि सभा सदस्य उपनिर्वाचनको लागि आयोगबाट प्रकाशित अन्तिम मतदाता नामावलीमा नाम समावेश भएका मतदाताले आयोगबाट जारी भएको मतदाता परिचयपत्र वा नेपाली नागरिकताको प्रमाणपत्र वा राष्ट्रिय परिचयपत्र वा राहदानी वा जग्गाधनी प्रमाणपूर्जा वा सवारी अनुमति पत्रको सक्कल प्रमाणका आधारमा अन्तिम मतदाता नामावली विवरणसँग भिडाई यकिन गरी मतदान गर्न पाउने व्यवस्था मिलाउन सम्बन्धित निर्वाचन अधिकृतलाई निर्देशन दिने निर्णय गरेको छ,’ आयोगले जारी गरेको विज्ञप्तिमा उल्लेख छ।

यस्तै, निर्वाचनको सन्दर्भमा आयोगबाट मतदातालाई परिचयपत्र वितरण भएको भए पनि कतिपय मतदाताको परिचयपत्र हराएकोरनासिएको अवस्था भएमा उल्लेखित परिचयपत्रको आधारमा मतदान गर्न पाउने व्यवस्था मिलाइएको आयोगले जनाएको छ।