सुदूरपश्चिम प्रदेशको शान्ति सुरक्षालाई मजबुत बनाउन, अपराधलाई न्युनिकरण गर्न,सीमा,नगरभित्रका प्रमुख गल्लीहरुमा प्रहरी प्रहरी सक्रियता बढाएका,सवारी दुर्घटना कम गर्न ट्राफिक मुभिलाईजेशन ,मोबाईल कन्ट्रोल सहित प्रहरी परिचालन गरी तस्करी,लागुऔषध नियन्त्रण,फरार अपराधी पक्राउ, गुण्डागर्दी नियन्त्रणका लागि निर्मम भएर लागेका सुदूरपश्चिम प्रदेश प्रहरी कार्यालयका प्रहरी नायव महानिरक्षक (डिआईजी) भरतबहादुर बोहरासँग प्रदेशको शान्ति सुरक्षाको अवस्थाका बारेमा निशाना न्युजका लागि टंक कुवरले गरेको कुराकानी को सारसंक्षेप…..

सुदूरपश्चिम प्रदेशको शान्ति सुरक्षाको अवस्था कस्तो रहेको छ ?
पछिल्लो समय सुदूरपश्चिम प्रदेशमा शान्ति सुरक्षाको अवस्था ठिकै रहेको छ । प्रदेशमा अपराध हुन नदिन हरेक क्षेत्रमा प्रहरी परिचालन गरेका छाँै । बढिजसो सिमा क्षेत्रमा ध्यान केन्द्रीत गर्दैआएका छौँ । अपराधका घटना सीमा नाकाबाट नै हुने गरेको छ । प्रदेशको शान्ति सुरक्षालाई मध्यनजर गरी लागुऔषध दुर्बेशनी,ओसारपसार गर्ने ब्यक्तीको निगरानीमा प्रहरीको सकृयता बढेका कारण शान्ति सुरक्षाको अवस्था सन्तोषजनक नै छ ।

शान्ति सुरक्षा लाई खलल पुग्ने खालका घटना हुन नदिन प्रहरीको सक्रियता कत्तिको भईरहेको छ ?
शान्ति सुरक्षालाई खलल पुग्ने खालका घटना हुन नदिन प्रहरी एक्टिभ भएर लागेको छ । प्रहरी मोबिलाईजेसन,सिमा ,नगर भित्रका मेनमेन चोक,सवारी दुर्घटना कम गर्न ट्राफिक प्रहरीको मुभिलाईजेशन र मोबाईल कन्ट्रोलसहित प्रहरी परिचालन गरेका छौ । समाजमा कुनै किसमका घटना हुन नदिनका लागि सकृयता पूर्वक चनाखो हुदै प्रहरी अघाडी बढेका छ ।

समग्रतामा ६ महिनाको अवधीमा प्रदेशमा कस्ता खालका घटना घटे र प्रकाउ कती भए भन्न सकिन्छ ?
६ महिनाको तथ्याङ्ग हेर्दा जघन्य अपराध मध्ये जबरजस्ती करणीका ८९,मानब बेचखिन १०,कर्तब्य ज्यान २१,हातहतियार ८,डाँका चोरी ३, बिष्फोटक पदार्थका २ घटना भएका छन भने घरेलु हिंसाका ६२९ उजुरी परेका मध्ये ४९० को मिलापत्र र १०६ र अन्य निकाय ३३ को काम बाँकी रहेको छ । लागुऔषध सम्बन्धीका ३२२ मुद्धा दर्ता भएका छन ५०७ जना मानिस प्रकाउ गरेको छ । उनीहरुको साथबाट ६५ किलो ८२५ ग्राम २१२ मिलिग्राम चरेश, हिरोईन ७९८ ग्राम ३० मिलिग्राम र गाँजा १ किलो २३१ ग्राम बरामद गरेको छ । त्यस्तै भन्सार छलीबाट राजश्व संकलन रु २ करोड ९१ लाख३९ हजार ७९१ भएको छ भने कैलालीमा १५,कंचनपुरमा ४६,जना लाई पकाउ गरेको छ । फरार प्रतिबादी २८१ जनालाई प्रकाउ गरेको छ भने प्रदेशमा २९९ जनाले आत्महत्या गरेको छ ।

तपाईको विचारमा प्रदेशको अपराधलाई कम गर्न के गर्नु पर्ला जस्तो लाग्छ ?
अपराधलाई कम गर्न प्रहरीको सकृयता सँगै नागरिकको पनि उत्तीकै दायित्व रहन्छ । कुनै स्थानमा अपराध भयो त्यहाँ तत्काल प्रहरी हुँदैन त्यस्का लागि नागरिकको सूचना अनिवार्य चाहिन्छ, अपराध भएको स्थानबाट नागरिकले प्रहरीलाई जानकारी गराउँदा स्थानीय नागरिक र प्रहरीको पहलमा अपराधीलाई प्रकाउ गर्न सहज हुन्छ । अपराधी सम्म पुग्न नागरिकको सहयोगको आवश्यक छ, सबैको सहकार्य बाट नै अपराधलाई कम गर्न सकिन्छ ।

पछिल्लो समय कैलाली कारागार भित्र कैदीबन्दी बीच कुटाकुट, एउटी आमाले बिष्कुटभित्र छोरालाई ब्राउन सुगर दिएको घटनालाई तपाईले कसरी नियाली राख्नु भएको छ ?
तपाईले सुन्नै भएको होला घटना लगत्तै कैलाली कारागारको दुईवटै व्लकमा कडा चेकिङ्ग,डगस्पाईनिङ्ग गराएका छौँ भने उपरान्त यस्ता घटना हुन नदिन सेक्युरिटीलाई चेन्ज गरेका छौँ, भने पहिलाका स्टाफहरुलाई हटाई कडासुरक्षा गर्दै प्रहरी अघाडी बढेको छ । प्रहरीको सकृयताको कारणले नै ५ ग्राम ड्रग्स सहित ति महिलालाई प्रकाउ गर्न सफल भएको छ । कारागारमा कडा चेकजाँच र सुरक्षा व्यवस्थालाई मजबुद गर्न पनि प्रहरीलाई निर्देशन दिइएको छ ।

प्रदेशमा तपाइँका केही नयाँ योजना छन ?
म प्रदेशको ९ वटै जिल्लाका सबै ईलाका स्तरसम्म पुगेको छु । अनुसाशन,सेवा प्रवाह छिटो छरितो, ईलाका क्षेत्रमा खटिएका प्रहरी कर्मचारीले तस्करी पूर्णरुपमा बन्द गराएको हुनु पर्ने र लागुऔषध कारोबारीका बिरुद्ध प्रहरीले निर्मम रुपमा प्रस्तुत हुने र यस्को नियन्त्रणका लागि टास्कफोर्स टोली पनि गठन गरेका छौँ । यिनै योजनाका साथ हामी लागेका छाँै ।