धनगढी- सुदूरपश्चिम प्रदेशका मुख्यमन्त्री कमलबहादुर शाहको टोलीले बाढीपीडित र नदी कटानको अनुगमन गरेको छ । शनिवार कैलालीका विभिन्न क्षेत्रमा पुगेर मुख्यमन्त्री शाहको टोलीले बाढीपीडित र नदी कटाको अनुगमन गरेको हो ।
अनुगमनका क्रममा मुख्यमन्त्री शाहको टोलीले कैलारी गाउँपालिका भित्रको बाढीपीडित र नदी कटान, घुराह पुल, बसन्ता, रामपुर कटैनी पुललगायत योजनाको अनुगमन गरेको थियो ।
अनुगमन टोलीमा भौतिक योजना तथा पूर्वाधार मन्त्री प्रकाश देउवा, आन्तरिक मामिला तथा कानुन मन्त्री शिवराज भट्ट, उद्योग पर्यटन वन तथा वातावरण मन्त्री रमेशसिंह धामी, कैलारी गाउँपालिका अध्यक्ष राज समझ चौधरी, उपाध्यक्ष भगवती कुमारी चौधरी, नेपाली कांग्रेस कैलालीका जिल्ला सभापति नारायणदत्त भट्ट र काँग्रेस जिल्ला सचिव नृपबहादुर सुनार, गाउँपालिका कर्मचारी, सुरक्षा निकाय र स्थानीय जनप्रतिनिधि, विभिन्न संघ संस्थाका कर्मचारीलगायतको सहभागिता थियो ।
