अखिल नेपाल स्वतन्त्र विद्यार्थी युनियन (अनेरास्ववियु) को प्रारम्भिक कमिटी, कञ्चनपुर जिल्ला, केन्द्रिय सदस्य, राष्ट्रिय परिषद सदस्य केन्द्रिय कमिटी सचिव हुँदै युवा संघ नेपालको पूर्व केन्द्रिय अध्यक्ष भइसकेका युवा नेता हुन बचन सिंह । कञ्चनपुरमा विद्यार्थी राजनीति गर्दै गर्दाको अवस्थामा २०६२÷०६३ सालको आन्दोलनमा दुई पटक जेल जीवन विताएका नेता हुन सिंह । त्यही समयमा कञ्चनपुरको जनज्योती क्याम्पस काण्डमा तत्कालिन शाही सेनाले गोली प्रहार गरी घाइते भएका थिए । एक हिसावले उनलाई जीउँदा सहिदका रुपमा पनि चिनिन्छन् । अहिले नेकपा एमाले प्रदेश कमिटी सचिवालय सदस्य समेत रहेका सिंहले नेपाल कम्युनिष्ट पार्टी (एमाले) सुदूरपश्चिम प्रदेशको असोज २१ र २२ गते हुन गइरहेको प्रथम अधिवेशनका लागि युवा नेता सिंहले प्रदेश अध्यक्षमा उम्मेदवारी घोषणा गरेका छन् । उनै युवा नेता सिंहसँग निशाना न्युजले गरेको कुराकानीका सारसंक्षेप :

१. प्रदेश अध्यक्षमा उम्मेदवारी त घोषणा गर्नुभयो, तपाईका ऐजण्डा के छन् ?
एमालेलाई सुसंगठित, सुव्यवस्थित र सक्षम पार्टीका रुपमा प्रदेशस्तरमा पुनरस्थापित गराउने, जनबर्गीय संगठनलाई व्यवस्थित, मर्यादित, समायानुकुल, विधिसम्मत, संगठित र सशक्त बनाउँदै देश र जनताको सेवामा सक्रिय बनाउने लगायत तमाम एजेण्डा लिएर मैलै प्रदेश अध्यक्षमा उम्मेदवारी घोषणा गरेको छु ।
२. नेतृत्वको ग्रिन सिग्नल पाएर होकी आफैं उम्मेदवारी घोषणा गर्नुभएको हो ?
म लामो समयदेखि पार्टीको भातृसंगठनको जिम्मेवारी रहेर पार्टी र जनताको हितमा हुने कार्यमा संलग्न हुँदै आएको हो । म भन्दा अग्रज केन्द्रिय सदस्य माथिल्लो निकायका नेता कमरेडहरु प्रदेशमा प्रतिनिधि छनोट हुनु भएको छैन् । म प्रदेशको नेतृत्व हाक्न सक्ने भएकोले सबैको साझा उम्मेदवारका रुपमा उम्मेदवारी घोषणा गरेको हुँ । कसै नेताको ग्रिन सिग्नलमा नभएर म आफै उम्मेदवारी घोषणा गर्न पुगेको हो । यसमा सबै अग्रज नेतागणहरुको साथ र समर्थन हुने विश्वास लिएको छु ।
३. सर्बसम्मत अध्यक्ष बन्ने बलियो आधार के हो ?
मैले अघि नै भनिसके । म विद्यार्थी राजनीति, युवा संघको अध्यक्ष भएर काम गरिसकेको व्यक्ति हो । म अहिले पार्टीको भूमिकामा छैन् । उमेर, अनुभवले म भन्दा खारिएका नेताको सुझाव सल्लाह अनुसार अघि बढ्ने छु । कसैलाई बायस गरेर होइन सबैलाई सम्मान गरेर अघि बढ्ने हो । धेरै नेताहरु विभिन्न जिम्मेवारीमा छन् । राजकीय पदमा छन् । तसर्थ सबैको भावनाको कदर गर्दै एमालेलाई बलियो र जनमुखि पार्टी बनाउन मेरो भूमिका रहन्छ । म सबको साझा उम्मेदवारका रुपमा अघि बढ्छु ।
४. दुई जना पूरा नेताले पनि उम्मेदवारी घोषणा गर्ने चर्चा छनि ?
उहाँहरुलाई पार्टीले उचित मूल्यांकन गरेर भूमिका दिनुपर्छ । उहाँ मेरा आदरणिय गुरु हुन, नेता हुन् । उहाँलाई सम्मान गर्छु । उहाँहरुले सशक्त जुझारु युवालाई स्थान दिन सक्नुपर्छ । उहाँप्रति मेरो कुनै पूर्वाग्रह छैन् । उहाँहरुले मलाई पूर्ण रुपमा सहयोग गर्नुहुन्छ भन्ने विश्वास छ ।