धनगढी- सुदूरपश्चिम प्रदेशमै पहिलो पटक निजि क्षेत्रबाट डायलासिस सेवा सुरु भएको छ । मंगलबार धनगढीस्थित नवजीवन हस्पिटलमा सुदूरपश्चिम इन्टरनेशनल डायलासिस सेवाको उद्घाटन गरिएको हो ।
‘स्वस्थ मिर्गौला, स्वस्थ जीवन’ नारासहित झण्डै ७ करोड लगानीमा डायलासिस सेवा सञ्चालन ल्याएको नवजीवन अस्पतालका सिइओ चक्र कठायतले जानकारी दिए ।
उनका अनुसार संचालनमा आएको डायलासिस सेवामा पहिलो चरणमा ६ वटा बेड संचालनमा ल्याएको छ । महिनामा १२० जनादेखि १५० जना बिरामीलाई डायलाइसिस सेवा दिइनेछ । उनले काठमाडौमा दिइने डायलाइसिस सेवा धनगढीमै दिइने डा.अर्चनकुमार राणाले बताए ।
सुदूरपश्चिम प्रदेशका मिर्गौलाका बिरामीले डायलाइसिस सेवाका लागि सेती प्रादेशिक अस्पतालमा लामो समयसम्म बिरामीले कुर्नु पर्ने बाध्याता थियो भने काठमाडौ जानू पर्ने बाध्यता रहेको छ । सुदूरपश्चिममै पहिलो पटक निजि क्षेत्रबाट डायलाइसिस सेवा सुरु भएपछि यहाँका मिर्गौलाका बिरामी लाभान्वित हुने विश्वास गरिएको छ ।
