बर्दगोरिया गाउँपालिका वडा नं. ६ मा कृर्षि क्षेत्रलाई महत्व दिएको छ । कृषकका समस्या समाधानदेखि सहुलियतमा मलखाद्यको व्यवस्था हुँदै आएको छ । स्वास्थ्य,शिक्षा, सडकलगायतका क्षेत्रमा काम तीब्र गतिमा अघि बढेको छ । समाजमा हुने गरेका समस्या समाधानदेखि थारु संस्कृति संरक्षण,प्रवद्र्धनमा अग्रसर भई लागेका वडा अध्यक्ष रामकृष्ण डगौरा थारु (रन्जित)सँग वडाको समसामयिक बिषयमा निशाना न्युजले गरेको कुराकानी प्रस्तुत गरेका छौँ ।

तपाई दोस्रो कार्यकालमा हुनुहुन्छ पहिलो कार्यकालमा वडाको विकासका लागि के–कस्ता काम गर्नुभयो ?

विशेष गरी २०७४ साल असार १४ गतेको पहिलो स्थानीय तहको निर्वाचनमा पनि मलाई जनताले अत्याधिक मतले चुनेका थिए । त्यति बेलाको पाँच वर्षको कार्यकालमा पनि मैले यो ठाउँमा थुपै सामाजिक कामदेखि लिएर बाटोघाटो स्वास्थ्य चौकी, खानेपानी ,सार्वजनिक शौचालय निर्माण,महिला वालबालिकाको हक हितका लागि थुपै काम गरेको थिए ।
लक्षीत वर्गका कार्यक्रमदेखि लिएर किसानका हितका लागि पनि काम गरेको थिए । पाँच वर्षसम्म राम्रैकाम गरेको भएर होला मलाई मेरो पार्टीले पनि टिकट दियो र २०७९ बैशाख ३० गते भएको निर्वाचनमा पनि जितेर यो दोस्रो कार्यकालको रुपमा म काम गरिरहेको छु ।

अहिले के–कस्ता काम गरिराख्नु भएको छ ?

पहिलो कार्यकालमा जुन अँधुरा कामहरु सामाजिक भवन निर्माण,क्लवहरुका भवन निर्माण,शहिदहरुका नाममा बनेका प्रतिक्षालय,सकुलका कच्ची भवन पक्की बनाउने यी कामहरुलाई पूरा गर्न तिर लागेको छु । यो वडामा ४ वटा प्राविधिक धारका सामुदायिक विद्यालय रहेका छन् । त्यसमध्ये उत्कृष्ट सफल विद्यालयलाई नमुनाको रुपमा बनाइ सकेका छौँ । माध्यमिक विद्यालय प्राविधिक धारको सञ्चलन भइरहेको छ । भने आधारभूत विद्यालयमा कम्पाउण्ड,खानेपानी,शौचालय निर्माणलगायतका कामहरु गरेका छौँ ।
त्यसैगरी बर्थिङ सेन्टर एक तले थियो त्यसमा तला थपेर दुई तले बनाएका छौँ । कार्यालय संरचना निर्माण,हाटबजार,पशु कृषिशाखा,बर्थिङ सेन्टर यसै कार्यालय परिसरका सञ्चालन गरेका छौँ ।

खानेपानीका लागि यसै आवमा खानेपानीको ओभर ट्यांकी निर्माण गर्ने गरी काम थालनी भएको छ । पाइपलाईन विस्तारका लागि ६ किलोमिटर पाइपलाइन विस्तार गरेका छौँ । यसै आवमा गाउँसभाले विनियोति गरेको वजेटबाट पहिलो चरणमा यसै वडा नं. ६मा नै पानी पिचको काम अगाडि बढेको छ । त्यस्तै धनजनको क्षति गरिराखेको काँडा नदीमा पनि तटबन्धनको काम सुरुवात गरेका छौँ ।
त्यस्तै टोलटोलमा महिला संजाल,युवा संगठित गरेर सांस्कृतिक प्रबद्धनका कार्यक्रम पनि सञ्चालन गरिरहेका छौँ । स्वरोजगार मार्फत रोजगारी सिर्जना गर्ने कामलाई पनि अगाडि बढाएका छौँ । २०८०÷८१ का कार्यक्रमहरु अझैँ बाकी नै छन् । संघीय,प्रदेश सरकारको साझेदारीमा हुने कार्यक्रम अmभै बाँकी नै छन् । सबैको सहयोग पाए अधुँरा काम पूरा हुने विश्वास लिएको छु ।

कृषि क्षेत्रको पवद्र्धनका लागि के कस्ता काम गर्नु भएको छ ?

अहिले ०८०÷८१ को विनियोजित वजेटमा किसानलाई स्प्रेटंकी,एक घर एक विरुवाको सिद्धान्तलाई लिएर बृक्षारोपणका लागि विरुवा वितरणको काम पनि अगाडि बढाइ रहेका छौँ । किसानका लागि कृषि शाखा इकाइ पनि सञ्चालन गरेका छौँ । किसानकै घर र फर्ममा गएर निशुल्क बाली बीमा उपचार कार्यक्रम पनि भर्खरै सम्पन गरेका छौँ । पशु चौपाया पाल्ने किसानहरुलाई खोरेत भ्याक्सीनदेखि लिएर नश्ल सुधार,कृतिम गर्भाधानजस्ता सेवाहरु किसानलाई दिइरहेका छौँ । ५० प्रतिशत अनुदानमा बीउ वितरण गर्ने काम पनि भइरहेको छ ।

यो थारु बाहुल्य क्षेत्र पनि हो,थारु संस्कृति संरक्षण प्रवद्र्धनका लागि केही गर्नुभएको छ ?

थारु संस्कृति संरक्षण,प्रबद्र्धनका लागि पनि काम गरिरहेका छौँ । थारु बाहुल्य क्षेत्र भएकाले यसै वर्षभित्र थारुहरुको गुरही पर्वलाई प्राथमिकता दिँदै मनाएका छौँ । दसैँ तिहारलाई पनि आफ्नै कला,भाषा, संस्कृति संरक्षण सम्बद्र्धन हुने गरी मनाएका छौँ । थारु संस्कृति संरक्षण संवद्र्धनका लागि विभिन्न झाँकी सहितका कार्यक्रम गरिरहेका छौँ ।

वडा नं. ६मा रहेको रामजानकी सेवा समाज भत्तिनी अष्ठानका लागि यसै वर्ष तीन लाख बजेट छुट्याएका छौँ । मेलाको तयारीका लागि पानी ग्रेडर लागाउने,पानी पिचका लागि मेला व्यवस्थापन समितिलाई दिएका छौँ । धर्म संस्कृति संरक्षण प्रबद्र्धन गर्न र आन्तरिक पर्यटक भित्र्याउन यो पहल गरिरहेका छौँ ।

अन्तमा केही भन्नु हुन्छ ?

अन्तमा मलाई निर्वाचित गरेर दोस्रो पटक सेवा गर्ने मौका दिने सम्पूर्ण वडाबासीलाई धन्यवाद दिन चाहान्छु । सबैको साथ र सहयोगबाट कुनै पनि काम सफल हुन्छ । वडाको समग्र विकासका लागि सबैको साथ आवश्यक छ भन्न चाहान्छु ।